Tolki 3% biełarusaŭ chočuć vajavać z Ukrainaj, bolšaść za nieadkładny vyvad rasijskich vojskaŭ — vyniki apytańnia

Sacyjałahičnaje apytańnie pravodziłasia ŭ Biełarusi na pačatku sakavika. Praź niemahčymaść praviadzieńnia takich daśledavańniaŭ tvar u tvar, respandenty apytvalisia praź internet. Vybarka — 896 čałaviek, haradžanie, jakija karystajucca internetam.

Pavialičyć

Prysutnaść rasijskich vajskoŭcaŭ u Biełarusi nie ŭsprymajecca adnaznačna, adnak bolšaść biełarusaŭ chutčej nie padtrymlivaje znachodžańnie vojsk RF na terytoryi našaj krainy. Prychilniki ŭłady padtrymlivajuć znachodžańnie rasijskich vajskoŭcaŭ na terytoryi Biełarusi, adnak navat jany nie zhodnyja z tym, što varta hetuju prysutnaść pavialičyć.

Pavialičyć

Mieniej za pałovu biełarusaŭ ličyć, što kraina biare ŭdzieł u vajennym kanflikcie, bolšaść nie ŭsprymaje pradastaŭleńnie biełaruskaj terytoryi jak udzieł.

Tolki kožny piaty ličyć, što Biełaruś źjaŭlajecca krainaj-ahresaram.

Pry hetym bolšaść respandentaŭ suprać jak abstrełaŭ Ukrainy z terytoryi Biełarusi (67%), tak i ŭvohule suprać taho, kab terytoryja Biełarusi vykarystoŭvałasia jak płacdarm dla viadzieńnia vajny z Ukrainaj (52%).

Ažno 80% biełarusaŭ suprać raźmiaščeńnia ŭ Biełarusi jadziernaj zbroi, stanoŭča albo chutčej stanoŭča da hetaha pytańnia staviacca tolki 20% respandentaŭ. Nie tak adnaznačna biełarusy adkazvajuć na pytańnie ab raźmiaščeńni rasijskich vajennych baz na našaj ziamli, ale i tut 44% suprać i tolki 24% za.

Tolki 3% apytanych biełarusaŭ ličać, što naša kraina pavinna vajavać razam z Rasijaj suprać Ukrainy.

25% apytanych ličać, što Biełaruś pavinna być niejtralnaj krainaj i na jaje terytoryi ŭvohule nie pavinny prysutničać vojski inšych dziaržaŭ. Prykładna stolki ž (28%) vykazvajucca za padtrymku Rasii, ale biez ustupleńnia ŭ vajenny kanflikt našych vojskaŭ. Ahułam ideja ŭdziełu ŭ vajnie vielmi niepapularnaja navat siarod prychilnikaŭ Łukašenki. U toj ža čas ahułam 20% biełarusaŭ chočuć, kab Biełaruś padtrymała Ukrainu.

Pavialičyć

Na fonie sankcyj i vajennych dziejańniaŭ ažno 71% apytanych čakaje, što ŭ Biełarusi vyrastuć ceny, a 60% čakajuć, što žyćcio prostaha čałavieka pahoršycca. Tolki siarod prychilnikaŭ dziejnaj ułady jość čakańni, što žyćcio źmienicca da lepšaha — 16% vieryć, što ekanomika stabilizujecca, a 12% upeŭnienyja, što žyćcio stanie lepšym.

22% respandentaŭ adkazali, što pra padziei va Ukrainie daviedvajucca ŭ pieršuju čarhu ź biełaruskich niedziaržaŭnych ŚMI, 20% — ź biełaruskich dziaržaŭnych ŚMI, 18% pryznali, što ŭvohule nie cikaviacca hetymi padziejami. Aŭtary daśledavańnia adznačajuć, što prychilniki Łukašenki ŭ asnoŭnym atrymlivajuć infarmacyju ź dziaržaŭnych biełaruskich i rasijskich ŚMI, a apanienty — ź niedziaržaŭnych biełaruskich, rasijskich i ŭ mienšaj stupieni ŭkrainskich ŚMI. Prahlad krynic, nie ŭłaścivych dla hrup, chutčej niecharakterny: vierahodna, heta vyklikana psichałahičnym dyskamfortam, vykazvajuć zdahadku aŭtary daśledavańnia.

Krynicy infarmacyi ŭpłyvajuć na mierkavańnie respandentaŭ pra toje, chto pieramoža ŭ vajnie. Siarod tych, chto atrymlivaje infarmacyju ź dziaržaŭnych rasijskich i biełaruskich ŚMI, pieravažnaja bolšaść ličyć, što pieramoža Rasija, takich adpaviedna — 81% i 67%. Ludzi, jakija atrymlivajuć infarmacyju ŭ pieršuju čarhu ź niedziaržaŭnych biełaruskich ŚMI albo ŭkrainskich, ličać, što pieramoža Ukraina — 53% i 59% adpaviedna. Ahułam u biełaruskim hramadstvie adčuvańnie, što pieramoža Rasija — u 45%, u pieramohu Ukrainy vierać 21%, nie zdoleli adkazać na pytańnie 35%.

Što da hramadska-palityčnaj pazicyi ŭ cełym, to jana zastajecca bolš-mienš niaźmiennaj ad 2020 hoda. Prykładna 30% ludziej stajać na prałukašenkaŭskich pazicyjach, u tym liku i padzialajuć łukašenkaŭskaje bačańnie kanfliktu va Ukrainie. 40—50% — u apazicyi da Alaksandra Łukašenki, u tym liku i pa pytańni Ukrainy. Astatnija vahajucca.

Sacyjołah Hienadź Koršunaŭ patłumačyŭ, čamu rasijanie tak padtrymlivajuć vajnu, a biełarusy — nie

Sacyjołah: Refierendum moža navat pavialičyć sacyjalnuju napružanaść. U ludziej jość adčuvańnie, što ich iznoŭ padmanuć

U Rasii sprabujuć vyśvietlić, ci chočuć ruskija vajny. I vyhladaje, što chočuć 

• 0
• 0
• 0
• 0
• 0
• 0