Hienprakuratura nakiravała ŭ sud kryminalnuju spravu ŭ dačynieńni da mastaka Alesia Puškina — jaho abvinavačvajuć u reabilitacyi nacyzmu i ździeku ź dziaržaŭnych simvałaŭ.
Pavodle śledstva, Aleś Puškin prapahandavaŭ nacyzm i dziejnaść biełaruskich kałabaranckich arhanizacyj.
«Hieroi tvorčaści Alesia Puškina ŭ hady Druhoj suśvietnaj vajny vykonvali, a taksama naŭmysna sadziejničali vykanańniu zahadaŭ nacysckich struktur i arhanizacyj, pryznanych złačynnymi prysudam mižnarodnaha vajskovaha trybunała», — havorycca ŭ paviedamleńni.
Jak udakładniaje Hienprakuratura, u sakaviku 2021 hoda ŭ Kijevie abvinavačany pravioŭ «pierformans» i paździekvaŭsia ź dziaržaŭnych simvałaŭ Biełarusi.
***
Nahadajem, što ŭsio pačałosia ŭ sakaviku 2021 hoda. Na vystavie ŭ Hrodnie, u pryvatnym Centry haradskoha žyćcia, demanstravaŭsia partret dziejača antysavieckaha padpolla Jaŭhiena Žychara. Paśla taho, jak na vystavu źviarnuli ŭvahu dziaržSMI, Puškina abvinavavacili ŭ «raspalvańni rasavaj, nacyjanalnaj, relihijnaj albo inšaj sacyjalnaj varožaści» (art. 130, č. 3).
Mastak u toj čas byŭ va Ukrainie, ale viarnuŭsia dachaty, dzie i byŭ aryštavany. Z kanca sakavika jon znachodzicca za kratami. Jamu pahražaje da 12 hadoŭ kałonii.
Kamientary