Upakoŭka ad ježy i napojaŭ na vynas — asnoŭnaja krynica płastykavaha śmiećcia ŭ akijanie
Navukoŭcy ličać, što pačynać baraćbu z zabrudžvańniem treba ź jaho krynic.
Zhodna z najbolš usiebakovym daśledavańniem na siońnia, płastykavaja ŭpakoŭka ad ježy i napojaŭ na vynas lidziruje pa pamierach siarod usiaho śmiećcia ŭ Suśvietnym akijanie.
Amal pałovu z usiaho akijaničnaha śmiećcia, stvoranaha rukami čałavieka, składajuć pradmiety čatyroch typaŭ — adnarazovyja polietylenavyja pakiety, płastykavyja butelki, kantejniery dla ježy i abhortačnaja papiera dla charčovych praduktaŭ. Kali dadać da ich jašče šeść typaŭ pradmietaŭ, u tym liku płastykavyja nakryŭki dla kubkaŭ z kavaj i rybackija snaści, my atrymajem try čverci ŭsiaho akijanskaha śmiećcia, piša Guardian.
Dziakujučy novym danym navukoŭcy lepiej razumiejuć, jak treba dziejničać, kab spynić pastupleńnie śmiećcia tam, adkul jano prychodzić. Jany zaklikajuć zabaranić vykarystańnie niekatorych płastykavych pradmietaŭ, a taksama zaklikajuć vytvorcaŭ prajaŭlać bolš adkaznaści.
Supracoŭnica ispanskaha ŭniviersiteta Kadysa Karmien Marales-Kaseles, jakaja ŭznačaliła daśledavańnie, tłumačyć, što navukoŭcaŭ bolš za ŭsio ździviła toje, nakolki vialikuju častku z usiaho akijaničnaha śmiećcia składaje posud dla ježy na vynas. Heta nie tolki ŭpakoŭka ježy z fast-fudaŭ, ale i butelki dla vady dy napojaŭ nakštałt koły i kansiervavyja banki.
Najvialikšuju kancentracyju śmiećcia zafiksavali na bierahavych linijach i na akijanskim dnie kala ich. Navukoŭcy tłumačać, što viecier i chvali pieryjadyčna pieramiaščajuć śmiećcie bližej da bieraha, u vyniku čaho jano źbirajecca na dnie kala bieraha. Rybałoŭnyja prystasavańni nakštałt sietak prysutničajuć u vialikaj kolkaści tolki ŭ adkrytym akijanie. Tam jany składajuć kala pałovy ŭsiaho śmiećcia.
«Usie bačyli, što jamu padabajecca Nataša, i dumali: «Nu kali vy ŭžo?!» Były palitviazień Łukša raskazaŭ pra svaje adnosiny z Ejsmantami14
Kamientary