Kudy nanosić parfumu i jak prymusić jaje pracavać uvieś dzień

Miescy, u jakich adbyvajecca mahija

Pavialičyć

Vaša parfuma budzie hučać jarka, kali nanieści jaje na pulsujučyja kropki, dzie kryvianosnyja sasudy znachodziacca najbližej da skury. Vobłaść za vušami, zapiaści, zhin łokciaŭ, łahčynka miž hrudźmi — tut vodar raskryjecca chutčej. 

Pasprabujcie nanieści parfumu na zadniuju častku šyi. Lubimy pach budzie miakka abvałakvać, nie nadakučvajučy vam i intryhujučy navakolnych. 

A ŭ siezon sarafanaŭ i lohkich sukienak — na zadniuju častku kalenak. Vy adčujecie sapraŭdnuju mahiju: pavietranyja patoki, uzdymajučysia ŭvierch, daduć vašaj parfumie zahučać u poŭny hołas.

Efiekt šlejfa atrymajecca pry naniasieńni parfumy na pryčosku. Ale złoŭžyvańnie hetym moža sapsavać vam vałasy. Śpirt, jaki ŭtrymlivajecca ŭ parfumie, mocna vysušvaje pasmy, tamu lepš nanieści parfumu na rasčosku albo nabyć admysłovyja parfumavanyja srodki dla vałasoŭ.

Chitryki, jakija dapamohuć zachavać pach na ceły dzień 

Pavialičyć

Nanoście parfumu na skuru, a nie na vopratku. Rečy lohka ŭbirajuć pachi, ale składana addajuć. Aproč taho, na adzieńni pach moža hučać zusim inačaj, čym na skury.

Ni ŭ jakim razie nie raścirajcie parfumu zapiaściami. Heta razburyć vierchnija noty, a nižnija nie zmohuć hučać doŭha. Dajcie parfumie ŭvabracca samoj.

Nanoście parfumu adrazu paśla duša — vilhotnaja skura našmat lepš ubiraje ŭ siabie pachi, a vada, jakaja zastajecca ŭ skury, niby kansiervuje ich, dazvalajučy našmat daŭžej adčuvać.

Pierad naniasieńniem parfumy ŭvilhatnicie pulsujučyja kropki skury kremam albo vazielinam — tak vy zafiksujecie pach na skury, nie daścio jamu chutka vyvietrycca.

Kali chočacie zachinucca ŭ vaš vodar, to karystajciesia roznymi srodkami dla cieła i vałasoŭ adnoj liniejki brenda. U takim kompleksie pach harantavana zastaniecca z vami na praciahu dnia.

Sieryja Feel Happy — heta raskošny dohlad, jaki doryć skury piaščotnuju aksamitnaść i adčuvalny vodar nadoŭha.

Bieražycie svaju parfumu

U pieršuju čarhu — ad soniečnych pramianioŭ i pierapadaŭ tempieratur. Nie zachoŭvajcie parfumu na adkrytych palicach, na jakija traplaje sonca. Nie pakidajcie fłakon u vańnie. Nie staŭcie jaho na pralnuju mašynu ci lubyja inšyja ruchomyja pavierchni, a taksama nie nasicie z saboj u sumcy. Usie hetyja faktary mohuć razburyć kampazicyju, i tady nijakija chitryki nie dapamohuć utrymać lubimy vodar.

Najlepšaje miesca dla parfumy — šafka, zakrytaja palica, dzie nie byvaje ni horača, ni chałodna. Možacie zachoŭvać parfumu va ŭpakoŭcy — heta taksama dapamoža źbierahčy pach.

Jakuju parfumu abrać

Pavialičyć

Abaviazkova źviartajcie ŭvahu na toje, što napisana na ŭpakoŭcy. 

Parfum — heta parfuma (kancentracyja aromaalejaŭ ad 20%). Jana trymajecca najdaŭžej i kaštuje adpaviedna. Vy budziecie harantavana adčuvać pach da šaści hadzin, a z pravilnym naniasieńniem i jašče daŭžej. Heta idealny varyjant dla vosieni i zimy, a voś dla leta parfuma moža apynucca zaciažkoj i zanadta naviaźlivaj.

Eau de Parfum — parfumavanaja vada (kancentracyja aromaalejaŭ ad 10 da 20%). Na ciele adčuvajecca da čatyroch hadzin i maje lohki šlejf. Idealny varyjant dla paŭsiadzionnaści i ofisa. 

Eau de Toilette — tualetnaja vada (kancentracyja aromaalejaŭ 4-5%). Trymajecca zvyčajna 2-3 hadziny. Heta letni varyjant, jaki i ŭ śpiakotnyja dni nie budzie vas «dušyć».

Eau fraiche — duchmianaja vada (kancentracyja aromaalejaŭ da 1%). Takija sprei mohuć prosta aśviažyć vas paśla treniroŭki ci duša.

Daŭžej za ŭsio trymajecca na skury parfuma, siarod nižnich notaŭ jakoj jość vanil, pačuli, chvoja, kiedr, ładan, muskus albo dreva. A voś najbolš chutka vyvietryvajecca parfuma na cytrusavaj asnovie.

• 3
• 0
• 0
• 1
• 1
• 0
• 1
• 0