Śpikier Andrejčanka: Miedyki narakajuć, što vynikaŭ testaŭ na karanavirus davodzicca čakać tydzień
Padčas pasiadžeńnia Viciebskaha abłasnoha štaba pa baraćbie z raspaŭsiudžvańniem karanavirusa i abaronie nasielnictva staršynia Pałaty pradstaŭnikoŭ Uładzimir Andrejčanka pacikaviŭsia, nakolki apieratyŭna robiać testy. Pa jaho słovach, jość skarhi ad miedykaŭ, što vyniki da ich prychodziać praz 5-7 dzion, pieradaje BiełTA.
Akramia taho, parłamientaryj akcentavaŭ uvahu: važna, kab chapała łožkavaha fondu.
Načalnik Hałoŭnaha ŭpraŭleńnia pa achovie zdaroŭja abłvykankama Michaił Višniaviecki prainfarmavaŭ, što adrazu byli vypadki zaciahvańnia z testami. Byli taksama prablemy z raschodnym materyjałam, bo jon impartny, ale hetaje pytańnie vyrašanaje. «Ciapier sistema lepš naładžanaja: z paniadziełka ŭ vobłaści pracujuć šeść łabaratoryj. Na praciahu troch sutak prychodziać vyniki», — adznačyŭ Michaił Višniaviecki. Akramia taho, viciebskija vytvorcy vyjšli na novyja mahutnaści i vyrablajuć tysiaču testaŭ za sutki.
Taksama padčas pasiadžeńnia štaba paviedamili, što viciebski mieduniviersitet addaŭ svoj internat (byłuju haścinicu «Dźvina») miedykam na čas pandemii. Tam zmohuć biaspłatna žyć viciebskija miedrabotniki, studenty, jakija im dobraachvotna dapamahajuć, a taksama śpiecyjalisty z rajonaŭ, jakich pry nieabchodnaści buduć kamandziravać.
Kamientary