Rasija admoŭna stavicca da praviadzieńnia ŭ mai ŭ Ryzie samitu «Uschodniaha partniorstva», heta mierapryjemstva maje vidavočna antyrasijskuju nakiravanaść, zajaŭlajuć u rasijskim MZS.
«Vielmi admoŭna stavimsia. My, viadoma, budziem sačyć za tym, jak budzie prachodzić samit u Ryzie, ale ŭžo vidavočna, što naša reakcyja budzie dastatkova žorstkaj i pryncypovaj, bo my bačym, kudy ruchajecca heta partniorstva i jakija adcieńni jano nabyvaje z ulikam pazicyj udzielnikaŭ hetaj prahramy z boku pierš za ŭsio Jeŭrapiejskaha Sajuza», — zajaviŭ aficyjny pradstaŭnik MZS RF Alaksandr Łukaševič na bryfinhu ŭ Maskvie ŭ piatnicu.
«Pryncypova toje, što sens partniorstva maje jarka vyjaŭlenuju antyrasijskuju nakiravanaść», — padkreśliŭ jon.
U samicie «Uschodniaha partniorstva» ŭ Ryzie ŭ mai praduhledžvajecca ŭdzieł Biełarusi. Praŭda, u jakim farmacie, pakul nieviadoma.
Tak, prezident Łatvii Andrys Bierzińš raniej zajaviŭ, što hatovy pravieści aficyjnuju sustreču z Alaksandram Łukašenkam, kali toj pryjedzie na samit.
Taksama pra toje, što Łatvija, jakaja staršyniuje ŭ hetym hodzie ŭ ES, hatovaja zaprasić Łukašenku na samit, zajaviŭ dziaržsakratar Ministerstva zamiežnych spraŭ Łatvii Andrej Piłdehovič.
«My viedajem, što na papiarednich samitach Alaksandr Łukašenka nie pradstaŭlaŭ Biełaruś na samicie. My hatovyja zaprasić prezidenta Biełarusi», — rastłumačyŭ palityk.
Siastra Kaleśnikavaj prapanavała ŭ Bruseli try kroki, jakija treba zrabić dla vyzvaleńnia palitviaźniaŭ23
Kamientary