Siaržuk Sokałaŭ-Vojuš dabračynnym kancertam sabraŭ 1860 dalaraŭ dla paranienych ukrainskich vajskoŭcaŭ
U subotu 14 lutaha ŭ Ńju-Jorku adbyŭsia dabračynny kancert, ładžany Biełaruska-Amierykanskim zhurtavańniem «Pahonia». Srodki, sabranyja na kancercie, pojduć na dapamohu paranienym ukrainskim žaŭnieram. Na kancercie bard Siaržuk Sokałaŭ-Vojuš vykanaŭ svaje znakamityja pieśni, takija jak «Aksamitny letni viečar», «Vierny koń», «Nikoli», «Manałoh słuččaka», tak i paźniejšyja tvory, takija jak «Pieśni lisoŭčykaŭ» i «Majdan».
Naprykancy prysutnyja razam zapiajali biełaruski j ukrainski nacyjanalnyja himny — «My vyjdziem ščylnymi radami» i «Šče nie ŭmierła Ukraina». Na kancercie było sabrana 1860 dalaraŭ.
U praviadzieńni imprezy dapamahła žonka barda, Hanna Bartul, dy ichnyja syny, Śviatavit i Słavamir, a taksama Piatro i Alena Ryžyja, Marat Kłakocki, Valancina Jakimovič, Viktar Jedzinovič, Viktar Dudaraŭ.
Što za čamadan nosić kala Łukašenki jahony achoŭnik? Nie, tam nie jadziernaja knopka20
Kamientary