Прадстаўнікі Бруселя і Тыраны 15 кастрычніка сустрэліся ў Люксембургу для абмеркавання пытанняў, якія ўяўляюць узаемную цікавасць, у прыватнасці адносна вяршэнства закона ў Албаніі. Тым самым праз больш чым два гады пасля пачатку дыялогу аб уступленні Албаніі ў ЕС пачаліся перамовы па сутнасці.
«Мы падрыхтуем Албанію да ўступлення ў ЕС да 2030 года», — паабяцаў прэм'ер-міністр краіны Эдзі Рама.
«Любая альтэрнатыва членству ў ЕС будзе азначаць адмову ад выбранага намі ладу жыцця», — перакананы албанскі прэм'ер.
Вайна Расіі ва Украіне паказала, «што Заходнія Балканы патрэбныя для больш моцнага Еўрапейскага Саюза, у той жа час і самі Заходнія Балканы маюць патрэбу ў далучэнні да Еўрапейскага Саюза», — падкрэсліў ён.
Албанія падала заяўку на сяброўства ў ЕС у 2009 годзе, адразу пасля ўступлення ў НАТА. Першая міжурадавая канферэнцыя па перамовах аб уступленні адбылася ў ліпені 2022 года.
На працягу доўгага часу зрухі ў гэтым пытанні ўвязваліся з прагрэсам у еўраінтэграцыі Паўночнай Македоніі, аднак сёлета у верасні краіны ЕС адмовіліся ад гэтай практыкі, таму перамовы атрымалі новы імпульс.
Каментары