Ціхі троечнік, які шукаў сяброў, а яго булілі і пляваліся ў яго — што вядома пра Рамана, які напаў на аднакласнікаў з малатком
Пра 13-гадовага Рамана, які з малатком напаў на аднакласнікаў у школе Чалябінска, гавораць як пра ціхае, непрыкметнае дзіця, у якога не было сяброў, і былі праблемы са зносінамі.
Пры гэтым хлопец спрабаваў знайсці сяброў у інтэрнэце: часта пісаў у адпаведныя суполкі ў надзеі пазнаёміцца з кімсьці 11-14 гадоў. Сам пра сябе падлетак пісаў, што ён «добры», паведамляюць расійскія паблікі.
Некалькі месяцаў таму ў Рамана быў канфлікт з аднакласнікамі, піша «Ньюсдвач». Са слоў бацькі хлопца, аднакласнікі булілі яго і пляваліся ў яго.
MASH жа піша, што падлетак прыйшоў расправіцца з аднакласніцай, якая ў выходныя запэцкала яго касметыкай. Астатнія з гэтага смяяліся. 16 верасня Раман прыйшоў у свой клас з нажом, малатком і муляжом пісталета. Канал сцвярджае, што хлопчык ударыў па галаве менавіта сваю крыўдзіцельку.
Колькасць пацярпелых да гэтага моманту павялічылася да пяці — гэта чацвёра сямікласнікаў і настаўніца.
Цяпер, паводле звестак SHOT, аперыруюць дзвюх дзяўчынак: Леру, якой Раман парэзаў горла нажом і ўдарыў па галаве. Таксама хірургі змагаюцца за жыццё другой сямікласніцы — Машы. У яе траўма чэрапа, адкрытая рана. Медыкі ацэньваюць стан школьніц як цяжкі. У астатніх пацярпелых менш сур'ёзныя траўмы.
Паводле SHOT, пасля нападу на аднакласнікаў Рамана скруцілі ў прыбіральні, дзе той спрабаваў здзейсніць суіцыд.
Школа, у якой адбылося надзвычайнае здарэнне — карэкцыйная, многія вучні знаходзіліся на ўліку па справах непаўналетніх.
Каментары