Пуцін паляцеў у Азербайджан, каб адцягнуць увагу ад сітуацыі ў Курскай вобласці — ISW
Прэзідэнт Расіі Уладзімір Пуцін прыляцеў у Азербайджан 18 жніўня. Імаверна, гэты візіт — спроба адцягнуць увагу ад украінскага ўварвання ў Курскую вобласць і прадставіць сябе нязменна эфектыўным дыпламатам, мяркуюць аналітыкі Інстытута вывучэння вайны (ISW).
Пуцін прыбыў у Баку з двухдзённым візітам разам з расійскай дэлегацыяй, уключаючы міністра замежных спраў Сяргея Лаўрова, каб сустрэцца з прэзідэнтам Азербайджана Ільхамам Аліевым і абмеркаваць расійска-азербайджанскія двухбаковыя адносіны. Паведамляецца, што дэлегацыі абмеркавалі двухбаковыя энергетычныя сувязі, рускамоўныя ініцыятывы ў Азербайджане і гатоўнасць Расіі выступіць пасярэднікам у заключэнні мірнага пагаднення паміж Арменіяй і Азербайджанам.
«Выбар часу для гэтага візіту характэрны, улічваючы бягучую сітуацыю ў Курскай вобласці і намаганні Крамля, якія працягваюцца, пераменшыць маштабы і наступствы ўкраінскага ўварвання,
— лічаць у ISW. — Расійскія дзяржаўныя СМІ засяродзілі ўвагу на паездцы Пуціна ў Азербайджан, раскрываючы драбнюткія дэталі, імаверна, збольшага для таго, каб адцягнуць увагу ад непрыемнай сітуацыі ў Расіі, напоўніўшы інфармацыйную прастору дэманстрацыяй глабальнага дыпламатычнага ўзаемадзеяння Крамля і яго меркаваных поспехаў».
«Не было страху, было неразуменне, нашто яму гэта». Былая дырэктарка «Лістапада» расказала пра Віктара Бабарыку і сваё жыццё цяпер18
Каментары