Pucin palacieŭ u Azierbajdžan, kab adciahnuć uvahu ad situacyi ŭ Kurskaj vobłaści — ISW
Prezident Rasii Uładzimir Pucin prylacieŭ u Azierbajdžan 18 žniŭnia. Imavierna, hety vizit — sproba adciahnuć uvahu ad ukrainskaha ŭvarvańnia ŭ Kurskuju vobłaść i pradstavić siabie niaźmienna efiektyŭnym dypłamatam, miarkujuć analityki Instytuta vyvučeńnia vajny (ISW).
![](http://d3kcf2pe5t7rrb.cloudfront.net/img/w840d4webp1/photos/z_2024_08/3649-r5ur2.png.webp)
Pucin prybyŭ u Baku z dvuchdzionnym vizitam razam z rasijskaj delehacyjaj, uklučajučy ministra zamiežnych spraŭ Siarhieja Łaŭrova, kab sustrecca z prezidentam Azierbajdžana Ilchamam Alijevym i abmierkavać rasijska-azierbajdžanskija dvuchbakovyja adnosiny. Paviedamlajecca, što delehacyi abmierkavali dvuchbakovyja enierhietyčnyja suviazi, ruskamoŭnyja inicyjatyvy ŭ Azierbajdžanie i hatoŭnaść Rasii vystupić pasiarednikam u zaklučeńni mirnaha pahadnieńnia pamiž Armienijaj i Azierbajdžanam.
«Vybar času dla hetaha vizitu charakterny, uličvajučy biahučuju situacyju ŭ Kurskaj vobłaści i namahańni Kramla, jakija praciahvajucca, pieramienšyć maštaby i nastupstvy ŭkrainskaha ŭvarvańnia,
— ličać u ISW. — Rasijskija dziaržaŭnyja ŚMI zasiarodzili ŭvahu na pajezdcy Pucina ŭ Azierbajdžan, raskryvajučy drabniutkija detali, imavierna, zbolšaha dla taho, kab adciahnuć uvahu ad niepryjemnaj situacyi ŭ Rasii, napoŭniŭšy infarmacyjnuju prastoru demanstracyjaj hłabalnaha dypłamatyčnaha ŭzajemadziejańnia Kramla i jaho mierkavanych pośpiechaŭ».
Kamientary