У праўладных тэлеграм-каналах новы флэшмоб — у падтрымку вылучэння Лукашэнкі на выбары ВІДЭА
Такім чынам аўтары спрабуюць нацягнуць на даўно зробленае рашэнне дэманстрацыю яе масавага ўхвалення.
У тэлеграм-каналах «Беларуснафты» і Міністэрства абароны Беларусі з'явіліся амаль ідэнтычныя відэа. Яны пачынаюцца аднолькава — з кавалка інтэрв'ю Аляксандра Лукашэнкі расійскай прапагандыстцы Вользе Скабеевай. Яна пытае пра вылучэнне на чарговыя выбары, а яе суразмоўца какетліва адказвае, што пойдзе, калі яго прыхільнікі скажуць «трэба».
Далей ідзе відэашэраг, на якім розныя людзі вымаўляюць слова «Трэба».
У роліку вайскоўцаў не абышлося без традыцыйнага крынджу — вайскоўцы выстраіліся ў выглядзе слова «Надо».
Сярод удзельнікаў відэа — дэсантнік з Мар'інай Горкі Андрэй Шарупіч.
У 2022 годзе ён здымаўся яшчэ ў адным прапагандысцкім роліку — адказу ўкраінскім вайскоўцам, якія заклікалі не выконваць злачынныя загады і не ўступаць у вайну.
Можна меркаваць, што з набліжэннем 26 студзеня колькасць падобнага кантэнту будзе толькі расці.
«Не было страху, было неразуменне, нашто яму гэта». Былая дырэктарка «Лістапада» расказала пра Віктара Бабарыку і сваё жыццё цяпер18
Каментары