Сікорскі запэўніў, што ўвесь час думае пра Пачобута, а польскі бок штодня прадпрымае дзеянні, накіраваныя на яго вызваленне.
Польшча працягвае працаваць над вызваленнем палітвязня Анджэя Пачобута. Пра гэта заявіў міністр замежных спраў краіны Радаслаў Сікорскі журналістам, адказваючы на пытанні аб абмене зняволенымі, які адбыўся ўчора паміж ЗША, Германіяй, Польшчай, Славеніяй, Беларуссю і Расіяй. Прамое ўключэнне ад будынка МЗС транслявалася ў эфіры TVN24, піша Reform.news.
Па словах Сікорскага, дзеянні ў дачыненні да «беларускіх палітвязняў, у тым ліку Анджэя Пачобута, працягваюцца ў іншым рэжыме».
Сікорскі запэўніў, што ўвесь час думае пра Пачобута, а польскі бок штодня прадпрымае дзеянні, накіраваныя на яго вызваленне.
Пытанні аб дэталях абмену, а таксама аб удзеле ў ім Польшчы міністр прапанаваў задаваць спецыяльным службам і пракуратуры.
У заяве прэс-сакратара міністра — каардынатара спецыяльных службаў Польшчы Яцэка Дабжынскага, апублікаванай учора, гаварылася, што «ўлады Рэспублікі Польшча — прэзідэнт, прэм'ер і ўрад — пагадзіліся з просьбай уладаў ЗША, каб з захаваннем нормаў польскага права ўключыць у абмен асоб, зняволеных у Расіі і Беларусі, а таксама ў краінах NATO арыштаванага ў Польшчы ў 2022 годзе Паўла Рубцова, афіцэра ГРУ, які рэалізаваў выведвальныя заданні на тэрыторыі Еўропы і чакае крымінальнага працэсу».
Андрэй Дзмітрыеў з'ездзіў у Бундэстаг, каб давесці неабходнасць удзелу Лукашэнкі ў мірных перамовах11
Каментары