Латушка: прыгаворанага да расстрэлу Крыгера могуць абмяняць на супрацоўніка ФСБ Красікава
Кіраўнік НАУ бачыць падставы лічыць, што прысуд грамадзяніну Германіі вынесены ў Беларусі ў рамках «дагаварняка» Аляксандра Лукашэнкі з Крамлём.
Пра гэта палітык заявіў у сваім ютуб-канале.
«Бо ў Германіі сядзіць на пажыццёвым зняволенні расійскі супрацоўнік ФСБ Вадзім Красікаў. Паводле некаторых звестак, кіраўнік Крамля [Уладзімір Пуцін] некалькі разоў хацеў яго выменяць, але Германія адмаўлялася. Зараз жа Лукашэнка разам з Пуціным вырашылі не пакінуць Берліну выбару — узялі ў закладнікі грамадзяніна Германіі і прыгразілі яму смяротным пакараннем», — сказаў Латушка.
Паводле яго слоў, сам факт існавання ў Беларусі смяротнага пакарання можа мець толькі адну ацэнку: гэтага не павінна быць у еўрапейскай краіне.
«Гэты прысуд можна трактаваць як тэрарыстычны акт, і Лукашэнка сапраўды з’яўляецца тэрарыстам. За жыццё грамадзяніна Германіі ён запатрабуе нейкую цану — выкуп або абмен. І можна нават выказаць здагадку якую», — падкрэсліў кіраўнік НАУ.
Як нагадвае выданне «Позірк», 58-гадовы Вадзім Красікаў — афіцэр расійскіх спецслужбаў, прыгавораны ў Германіі да пажыццёвага зняволення за заказное забойства ў Берліне былога чачэнскага палявога камандзіра ўраджэнца Грузіі Зелімхана Хангашвілі.
Дзейнічаў у Германіі з дакументамі на імя Вадзіма Сакалова. 23 жніўня 2019 года пад’ехаў на ровары да Хангашвілі, які накіроўваўся пешшу на пятнічную малітву ў мячэць. Зрабіў тры стрэлы з пісталета, у выніку якіх чачэнец быў забіты на месцы. Зброю і ровар выкінуў у раку Шпрэе, зняў парык і пераапрануўся. Быў заўважаны двума падлеткамі, якія выклікалі паліцыю. Неўзабаве быў затрыманы.
У СМІ з’яўлялася інфармацыя пра перамовы Масквы і Берліна з нагоды абмену Красікава на палітзняволенага апазіцыянера Аляксея Навальнага, але 16 лютага той памёр у расійскай калоніі пры нявысветленых абставінах.
Раней магчымасць абмену Крыгера на Красікава дапусціў палітычны аналітык Аляксандр Фрыдман.
З'явілася ФОТА з суда над Рыка Крыгерам
Немец, прысуджаны да расстрэлу, датычны да дыверсій? Вось што за гісторыя гэта магла быць
Беларусь пацвердзіла расстрэльны прысуд Крыгеру: «Германіі прапанаваныя канкрэтныя рашэнні»
Што вядома пра суддзю і пракурорку, якія вынеслі смяротны прысуд грамадзяніну Германіі
«Падлік галасоў як сатанісцкі рытуал». Былы член камісіі расказаў, як у Беларусі фальсіфікуюць выбары12
Каментары