Łatuška: pryhavoranaha da rasstrełu Kryhiera mohuć abmianiać na supracoŭnika FSB Krasikava
Kiraŭnik NAU bačyć padstavy ličyć, što prysud hramadzianinu Hiermanii vyniesieny ŭ Biełarusi ŭ ramkach «dahavarniaka» Alaksandra Łukašenki z Kramlom.
![](http://d3kcf2pe5t7rrb.cloudfront.net/img/w840d4webp1/photos/z_2024_07/kriger_provlastnyi_tgkanal-jkoqe.jpg.webp)
Pra heta palityk zajaviŭ u svaim jutub-kanale.
«Bo ŭ Hiermanii siadzić na pažyćciovym źniavoleńni rasijski supracoŭnik FSB Vadzim Krasikaŭ. Pavodle niekatorych źviestak, kiraŭnik Kramla [Uładzimir Pucin] niekalki razoŭ chacieŭ jaho vymieniać, ale Hiermanija admaŭlałasia. Zaraz ža Łukašenka razam z Pucinym vyrašyli nie pakinuć Bierlinu vybaru — uziali ŭ zakładniki hramadzianina Hiermanii i pryhrazili jamu śmiarotnym pakarańniem», — skazaŭ Łatuška.
Pavodle jaho słoŭ, sam fakt isnavańnia ŭ Biełarusi śmiarotnaha pakarańnia moža mieć tolki adnu acenku: hetaha nie pavinna być u jeŭrapiejskaj krainie.
«Hety prysud možna traktavać jak terarystyčny akt, i Łukašenka sapraŭdy źjaŭlajecca terarystam. Za žyćcio hramadzianina Hiermanii jon zapatrabuje niejkuju canu — vykup abo abmien. I možna navat vykazać zdahadku jakuju», — padkreśliŭ kiraŭnik NAU.
Jak nahadvaje vydańnie «Pozirk», 58-hadovy Vadzim Krasikaŭ — aficer rasijskich śpiecsłužbaŭ, pryhavorany ŭ Hiermanii da pažyćciovaha źniavoleńnia za zakaznoje zabojstva ŭ Bierlinie byłoha čačenskaha palavoha kamandzira ŭradženca Hruzii Zielimchana Chanhašvili.
Dziejničaŭ u Hiermanii z dakumientami na imia Vadzima Sakałova. 23 žniŭnia 2019 hoda padjechaŭ na rovary da Chanhašvili, jaki nakiroŭvaŭsia pieššu na piatničnuju malitvu ŭ miačeć. Zrabiŭ try streły ź pistaleta, u vyniku jakich čačeniec byŭ zabity na miescy. Zbroju i rovar vykinuŭ u raku Špreje, źniaŭ paryk i pieraapranuŭsia. Byŭ zaŭvažany dvuma padletkami, jakija vyklikali palicyju. Nieŭzabavie byŭ zatrymany.
U ŚMI źjaŭlałasia infarmacyja pra pieramovy Maskvy i Bierlina z nahody abmienu Krasikava na palitźniavolenaha apazicyjaniera Alaksieja Navalnaha, ale 16 lutaha toj pamior u rasijskaj kałonii pry niavyśvietlenych abstavinach.
Raniej mahčymaść abmienu Kryhiera na Krasikava dapuściŭ palityčny analityk Alaksandr Frydman.
Źjaviłasia FOTA z suda nad Ryka Kryhieram
Niemiec, prysudžany da rasstrełu, datyčny da dyviersij? Voś što za historyja heta mahła być
Biełaruś paćvierdziła rasstrelny prysud Kryhieru: «Hiermanii prapanavanyja kankretnyja rašeńni»
Što viadoma pra sudździu i prakurorku, jakija vynieśli śmiarotny prysud hramadzianinu Hiermanii
Kamientary