«Людзям патрэбна праца прафесіяналаў». Ціханоўская адрэагавала на словы Лукашэнкі прыцягнуць палітвязняў да ліквідацыі завалаў
19 ліпеня на нарадзе па наступствам урагану Аляксандр Лукашэнка прапанаваў накіраваць на расчыстку завалаў палітвязняў. Святлана Ціханоўская адрэагавала на гэтыя словы. «Рэжым зноў паказаў, што здольны толькі на рэпрэсіі, а не на дапамогу грамадзянам», — сказала яна.
![](http://d3kcf2pe5t7rrb.cloudfront.net/img/w840d4webp1/photos/z_2024_07/44-jysq6.png.webp)
Яна сказала, што не перастае дзівіцца, як беларусы годна і з гумарам пераадольваеюць усе праблемы і цяжкасці.
— Захапляюся, таму што вы адолелі шторм лепш, чым гэта рабіла дзяржава. У час, калі ад улады патрэбныя максімальныя намаганні, каб ліквідаваць наступствы патопу, беларусы зразумелі зноўку, у які ўжо раз, што нам даводзіцца спадзявацца толькі адно на аднаго.
А тое, што рэжым не змог аператыўна зрэагаваць і забяспечыць усім неабходным тых, хто пацярпеў, — відавочны доказ праблемы, пра якую ўлады маўчаць. Гэта недахоп кваліфікаваных кадраў і паслядоўны адʼезд людзей з краіны. Гэта праблема, якая рана ці позна пачынае адбівацца на ўсіх сферах жыцця краіны. І ў тым ліку на ўстойлівасці інфраструктуры. Рэжыму куды прасцей абвінаваціць ва ўсім беларусаў. У любой складанай сітуацыі.
Але беларусы проста хочуць, каб дзяржава выконвала свае абавязкі.
Людзям не трэба, каб завалы расчышчалі палітвязні. Ім патрэбна праца адпаведных службаў і прафесіяналаў.
Але рэжым зноў паказаў, што здольны толькі на рэпрэсіі, а не на дапамогу грамадзянам.
Дарагія, калі ласка, беражыце сябе і родных, працягвайце падтрымліваць тых, хто побач. Абʼядноўвайцеся, каб дапамагчы тым, хто моцна пацярпеў ад стыхіі. Наша яднанне і ўзаемападтрымка — гэта тое, што не зможа разбурыць ні адна стыхія», — сказала Ціханоўская.
19 ліпеня Аляксандр Лукашэнка праводзіў селектарную нараду наконт ліквідацыі наступстваў урагану. Там ён заявіў пра неабходнасць прыцягнення палітзняволеных да ліквідацыі наступстваў непагадзі: «У нас больш за 20 тыс. сядзельцаў і так званых палітвязняў. Туды, на просеку, дапамажыце краіне».
Круты: Бог паслаў ураган, каб прэзідэнт парадаваўся, што створаная ім сістэма выстаяла
Замест СМС — выццё сірэн. МНС хоча памяняць сістэму апавяшчэння падчас непагадзі
«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары
Круты выказаў спачуванні родным загінулых падчас урагану. Але не Лукашэнка
Каментары