«Ludziam patrebna praca prafiesijanałaŭ». Cichanoŭskaja adreahavała na słovy Łukašenki pryciahnuć palitviaźniaŭ da likvidacyi zavałaŭ
19 lipienia na naradzie pa nastupstvam urahanu Alaksandr Łukašenka prapanavaŭ nakiravać na rasčystku zavałaŭ palitviaźniaŭ. Śviatłana Cichanoŭskaja adreahavała na hetyja słovy. «Režym znoŭ pakazaŭ, što zdolny tolki na represii, a nie na dapamohu hramadzianam», — skazała jana.
Jana skazała, što nie pierastaje dzivicca, jak biełarusy hodna i z humaram pieraadolvajeiuć usie prablemy i ciažkaści.
— Zachaplajusia, tamu što vy adoleli štorm lepš, čym heta rabiła dziaržava. U čas, kali ad ułady patrebnyja maksimalnyja namahańni, kab likvidavać nastupstvy patopu, biełarusy zrazumieli znoŭku, u jaki ŭžo raz, što nam davodzicca spadziavacca tolki adno na adnaho.
A toje, što režym nie zmoh apieratyŭna zreahavać i zabiaśpiečyć usim nieabchodnym tych, chto paciarpieŭ, — vidavočny dokaz prablemy, pra jakuju ŭłady maŭčać. Heta niedachop kvalifikavanych kadraŭ i paśladoŭny adjezd ludziej z krainy. Heta prablema, jakaja rana ci pozna pačynaje adbivacca na ŭsich śfierach žyćcia krainy. I ŭ tym liku na ŭstojlivaści infrastruktury. Režymu kudy praściej abvinavacić va ŭsim biełarusaŭ. U luboj składanaj situacyi.
Ale biełarusy prosta chočuć, kab dziaržava vykonvała svaje abaviazki.
Ludziam nie treba, kab zavały rasčyščali palitviaźni. Im patrebna praca adpaviednych słužbaŭ i prafiesijanałaŭ.
Ale režym znoŭ pakazaŭ, što zdolny tolki na represii, a nie na dapamohu hramadzianam.
Darahija, kali łaska, bieražycie siabie i rodnych, praciahvajcie padtrymlivać tych, chto pobač. Abjadnoŭvajciesia, kab dapamahčy tym, chto mocna paciarpieŭ ad stychii. Naša jadnańnie i ŭzajemapadtrymka — heta toje, što nie zmoža razburyć ni adna stychija», — skazała Cichanoŭskaja.
19 lipienia Alaksandr Łukašenka pravodziŭ sielektarnuju naradu nakont likvidacyi nastupstvaŭ urahanu. Tam jon zajaviŭ pra nieabchodnaść pryciahnieńnia palitźniavolenych da likvidacyi nastupstvaŭ niepahadzi: «U nas bolš za 20 tys. siadzielcaŭ i tak zvanych palitviaźniaŭ. Tudy, na prosieku, dapamažycie krainie».
Kruty: Boh pasłaŭ urahan, kab prezident paradavaŭsia, što stvoranaja im sistema vystajała
Zamiest SMS — vyćcio siren. MNS choča pamianiać sistemu apaviaščeńnia padčas niepahadzi
«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary
Kruty vykazaŭ spačuvańni rodnym zahinułych padčas urahanu. Ale nie Łukašenka
«Zašmat u vas dziaciej». Jak žyvie siamja ź siamiu dziećmi, jakoj daviałosia vyjechać ź Biełarusi6
Kamientary