У Беларусі ўвядуць крымінальную адказнасць за прагляд дзіцячага порна
Таксама на заканадаўчым узроўні МУС ініцыявала ўвядзенне адказнасці за прапаганду нетрадыцыйных сексуальных адносін.
У Вене прайшло пасяджэнне сесіі рабочай групы Канферэнцыі Бакоў Канвенцыі ААН супраць транснацыянальнай арганізаванай злачыннасці па супрацьдзеянні гандлю людзьмі. Беларускую дэлегацыю на форуме ўзначаліў намеснік начальніка Галоўнага ўпраўлення па наркакантролі і супрацьдзеянні гандлю людзьмі МУС Дзмітрый Чарткоў.
Удзельнікі абмеркавалі пытанні процідзеяння гандлю людзьмі, асабліва жанчынамі і дзецьмі, у тым ліку з мэтай атрымання органаў.
Паводле інфармацыі МУС, у Беларусі застаецца актуальнай праблема вырабу парнаграфічных матэрыялаў. Колькасць пацярпелых ад гэтага беларускіх дзяцей у 2023 годзе ўзрасла больш чым удвая ў параўнанні з мінулым годам. Дакладныя лічбы не называюцца.
У сувязі з гэтым, паведамляе МУС, завяршаецца прапрацоўка законапраекта аб увядзенні адказнасці за спажыванне дзіцячай парнаграфіі без мэты распаўсюду, то-бок за прагляд.
Таксама на заканадаўчым узроўні МУС ініцыявала ўвядзенне адказнасці за прапаганду педафіліі і нетрадыцыйных сексуальных адносін.
«Я думаў, што людзі змятуць нас». Спецназавец у 2020-м стаяў з аўтаматам у ачапленні перад Лукашэнкам, а цяпер ваюе за Украіну2
Каментары