Моды33

Брытанская спявачка выпусціла лінейку адзення, каб абараняцца ад 5G. Там ёсць і шапачка з фольгі

Расказваем, што гэта за даспехі рыцара ў эпоху сучасных тэхналагічных войнаў і колькі яны каштуюць.

Спявачка M.I.A. у панаме з фольгі — медна-нікелевай экранізуючай тканіны. Фота: інстаграм вытворцы OHMNI

Брытанская спявачка M.I.A., якая выступала супраць вакцынацыі падчас пандэміі і выказвалася аб сувязі паміж 5G і COVID-19, працягвае прытрымлівацца канспіралагічных тэорый аб негатыўным уплыве сучасных тэхналогій. Згодна з імі, сувязь 5G, як і іншыя віды сувязі (напрыклад, Bluetooth), небяспечная для здароўя, бо можа выклікаць розныя цяжкія захворванні.

M.I.A. OHMNI
Спявачка M.I.A. у легінсах і понча, якія, як сцвярджаецца, абараняюць ад 5G. Фота: сайт вытворцы OHMNI

Некалькі дзён таму спявачка абвясціла аб выпуску лінейкі адзення, якое рэкламуецца як «даспехі сучаснага рыцара ў эпоху сучасных тэхналагічных войнаў».

Як паведамляецца на сайце яе брэнда OHMNI, гэтае адзенне — «апошні рубеж у захаванні вашай канфідэнцыйнасці, аўтаноміі і правоў на цела і вашы даныя» ў «эпоху разумных гарадоў, лічбавай крыптавалюты, штучнага інтэлекту, NeuraLink, людзей, якіх могуць узламаць хакеры, нулявой канфідэнцыйнасці, DeepMind, збору даных унутры цела і беспрынцыпнага сачэння».

Кошт адзення, якое «на 99,99% абараняе ад 5G-выпраменьвання», складае ад 50 да 400 долараў. Напрыклад, за 50 даляраў можна набыць сумачку для тэлефона ці трусы-баксёры, якія, як сцвярджае вытворца, пашытыя з тканіны, якая на 80% складаецца са срэбра.

M.I.A. OHMNI
Трусы-баксёры. Фота: сайт вытворцы OHMNI

За 100 даляраў прапануецца набыць панаму, якая з аднаго боку выканана з чорнай бавоўны, а з другога — з медна-нікелевай экранізуючай тканіны. «Панама з фольгі — менавіта тое, чаго вы чакалі», — заяўлена на сайце вытворцы.

M.I.A. OHMNI
Панама. Фота: сайт вытворцы OHMNI

Понча і легінсы каштуюць па 200 даляраў. А 400 даляраў давядзецца заплаціць за сукенку ці пухавік, які мае «патайную кішэню-клетку Фарадэя, якая дазваляе адключыць вашы прылады ад Wi-Fi і перадачы даных, умомант стаць неадсочваным і не паддацца ўзлому».

M.I.A. OHMNI
Пухавік і сукенка. Фота: сайт вытворцы OHMNI

«Калі прыхільнікі тэорыі змовы памыляюцца — вы ўсё роўна будзеце ў плюсе, у вас будзе выдатнае адзенне, зробленае з чыстага срэбра і каштоўных металаў. Але калі яны маюць рацыю, вы можаце выратаваць будучае чалавецтва.

Вітаем у OHMNI. Я магу быць геніем, я магу быць махляркай», — напісала спявачка.

Каментары3

  • Казік
    06.06.2024
    І што, тэлефон у кішэні не будзе лавіць і хутка сядзе з-за пастаяннага пошуку сеткі?
  • Common sense
    06.06.2024
    Только блютуз и 5Г? Почему она умолчала про радио ? Нет ли тут заговора рептилоидов с Нибиру? Так и знал ,что и её купили тоже ..
  • Locke
    07.06.2024
    Мрак )

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю5

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Усе навіны →
Усе навіны

18-гадовага хлопца з Быхава судзяць за «здраду дзяржаве»9

У Беларусі не будуць рэагаваць на ўвядзенне Латвіяй забароны ўезду для беларускіх аўтамабіляў2

У Гродне збіраюцца правесці «своеасаблівы вальс» БТР-аў1

Лябедзька: Беларуская мова павінна стаць адзінай дзяржаўнай. Але трэба закласці пераходны перыяд19

Дзякуючы ўрагану ў Гомелі зрабілі навуковае адкрыццё3

Карбалевіч: Мінск загаварыў па-іншаму, але гэта пакуль толькі словы, дзеянняў мінімум1

Што азначаюць сігналы Лукашэнкі Польшчы і Украіне?16

Ламін Ямаль выпадкова паказаў на ВІДЭА сваіх голых калегаў4

Беларускі блогер у самы сквар паспрабаваў пасмажыць яйкі проста на асфальце. Ці атрымалася?3

больш чытаных навін
больш лайканых навін

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю5

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Галоўнае
Усе навіны →