У Клімавічах ад удару токам загінуў мужчына. Ён нібыта адключаў электрычнасць
Трагедыя адбылася днём 26 мая. Бацька і сын (60 і 37 гадоў) займаліся аднаўленнем пашкоджанага пажарам дома, паведамляе Следчы камітэт.
Апоўдні 37-гадовы мужчына працаваў на вышыні і выпадкова дакрануўся рукой да аголенага дрота, які знаходзіўся пад напружаннем. Ад атрыманых траўм ён памёр.
Бацька загінулага растлумачыў следчаму, што сын асабіста адключаў электрычнасць і быў упэўнены ў бяспецы работ у непасрэднай блізкасці з аголенымі правадамі.
Клімавіцкім раённым аддзелам Следчага камітэта па гэтым факце праводзіцца праверка.
Каментары