У Мінску прадаецца кватэра з уласным кінатэатрам. На яе ўжо прапануюць зніжку 50 тысяч даляраў
Вялікую кватэру плошчай 166 квадратных метраў зрабілі, аб’яднаўшы дзве суседнія двухпакаёўкі. Чаго там толькі не атрымалася размясціць.
![](http://nnexpictures.fra1.digitaloceanspaces.com/img/w732d4webp1/photos/z_2024_05/3-6ocrv.jpg.webp)
Знаходзіцца VIP-кватэра на вуліцы Стадыённай у Мінску — ЖК «Віленскі маёнтак». Жылая плошча — 124 «квадраты». Ёсць тры ізаляваныя пакоі (трохі дзіўна выглядае рашэнне пры такой колькасці метраў ставіць у дзіцячым пакоі двух'ярусны ложак), дзве ванныя, кухня-гасцёўня, тры лоджыі, дзве гардэробныя і нават пральная.
![](http://nnexpictures.fra1.digitaloceanspaces.com/img/w732d4webp1/photos/z_2024_05/6-89vq1.jpg.webp)
Для небюджэтнага аздаблення выкарыстоўвалі натуральнае дрэва, дэкаратыўную цэглу, паркетную дошку з сібірскага дубу. Будучаму ўласніку гарантуюць, што летнія адключэнні гарачай вады яго турбаваць не будуць — бойлер у наяўнасці.
![](http://nnexpictures.fra1.digitaloceanspaces.com/img/w732d4webp1/photos/z_2024_05/5-hvs55.jpg.webp)
Але галоўнай фішкай кватэры называюць дамашні кінатэатр, які знаходзіцца ў вялікай гасцёўні, аб’яднанай з кухняй. Дастаткова толькі націснуць кнопку на тэлефоне ў спецыяльным мабільным дадатку — і ён запусціць сцэнарый «кінатэатр»: хутка зацягнуцца шчыльныя чорныя шторы, якія аддзяляць вялізную канапу ад кухні, а экран, які высоўваецца, перакрые смарт-тэлевізар. Вядома, ёсць і праектар, і якасная гукавая сістэма. Абяцаюць эфект поўнага пагружэння ў любыя блокбастары.
![](http://nnexpictures.fra1.digitaloceanspaces.com/img/w732d4webp1/photos/z_2024_05/1-b29f5.jpg.webp)
Хутка знайсці пакупніка для элітнай нерухомасці не атрымліваецца, таму прадавец ужо прапануе зніжку ў 50 тысяч даляраў. Новая цана — 300 тысяч даляраў. У беларускіх гэта прыкладна 950 тысяч рублёў.
Чатырохгадовая Мая Любімцава, якую шукалі больш за суткі, загінула
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Каментары