Дамову аб распрацоўцы шматмэтавага двухматорнага самалёта «Асвей» падпісалі віцэ-прэм'еры Беларусі і Расіі Пятро Пархомчык і Дзяніс Мантураў. Яго плануюць вырабляць на прадпрыемствах Беларусі.
![](http://d3kcf2pe5t7rrb.cloudfront.net/img/w840d4webp1/photos/stock/20231102-img_5548-2bnk3.jpg.webp)
Кіраўнік расійскага ўрада Міхаіл Мішусцін перад падпісаннем пагаднення заявіў, што сумесная вытворчасць самалёта дапаможа паглыбіць інтэграцыю Беларусі і Расіі, паведамілі «РИА Новости».
Пра стварэнне сумеснага самалёта «Асвея» загаварылі ў лютым. Тады паведамлялася, што тэхналагічны працэс распрацоўкі самалёта пачаўся на беларускіх і расійскіх прадпрыемствах. Мяркуецца, што двухматорны шматмэтавы борт на 19 пасадачных месцаў будзе вырабляцца з нуля ў Беларусі.
Паводле планаў, да 2026 года плануецца выпусціць два самалёты, да 2030-га — 85-100 самалётаў. Камерцыйную эксплуатацыю бартоў збіраюцца пачаць у 2028 годзе.
Другога шанцу ні Украіне, ні Беларусі Пуцін не пакіне. Што чакае акупаваныя тэрыторыі, калі Кіеву не ўдасца іх адбіць
Пасол Дзмітрый Круты прапануе караць прадпрыемствы, якія недастаткова экспартуюць у Расію
Пасол Беларусі ў Расіі назваў абсурдам меркаванне пра страту суверэнітэту з-за інтэграцыі з Расіяй
Каментары