Заслужаны артыст Георгій Маляўскі памёр на 78-м годзе жыцця. Маляўскі доўгія гады працаваў у Купалаўскім тэатры і пакінуў яго трупу ў 2020 годзе, піша «Люстэрка».
Георгій Маляўскі нарадзіўся ў 1946 годзе ў Мінску. У 1970-м скончыў акцёрскі факультэт Беларускага тэатральна-мастацкага інстытута (сёння — Акадэмія мастацтваў). Працаваў у Магілёўскім абласным тэатры драмы і камедыі ў Бабруйску. З 1971 года — у Купалаўскім тэатры.
Сярод яго найбольш значных роляў: А.А. («Эмігранты» Мрожака) і Ян Дабровіч («Ідылія» Дуніна-Марцінкевіча). Таксама сыграў дзясяткі іншых роляў на Купалаўскай сцэне. Актыўна здымаўся ў кіно.
У 2020 годзе разам з большай часткай трупы Купалаўскага тэатра запатрабаваў спыніць гвалт супраць мірных грамадзян і выступіў за пералік галасоў на прэзідэнцкіх выбарах. Калі гэтыя патрабаванні былі адхіленыя, звольніўся з большай часткай трупы.
У тым жа годзе граў у праекце «Прыгоды Чыпаліны», у якім былі задзейнічаныя ўдзельнікі незалежнай трупы «Купалаўцы».
-
Шчадроўку з Гомельшчыны ведаюць мільёны людзей па ўсім свеце. У самой Беларусі пра яе мала хто чуў
-
У чатырох польскіх гарадах адбудзецца сінхронны фестываль салідарнасці і культуры Belarus Outside Sound System
-
Рэнесансны шэдэўр з Гальшанаў набыў новы выгляд. Так ён мог выглядаць чатыры стагоддзі таму
Кавід забраў у Беларусі 90 тысяч жыццяў, а не 7 тысяч, як сцвярджалі ўлады14
Каментары
Спачуванні родным і сябрам.