Удзельніку пратэстаў у Баранавічах далі 25 гадоў асобага рэжыму. Але ёсць нюанс
Падчас апошняга канвеернага суда над удзельнікамі пратэстаў у Баранавічах, аднаму з падсудных далі нечаканы прысуд — 25 гадоў калоніі асобага рэжыму. Вось што адбылося.
Асуджанага зваць Аляксандр Лявончык. Мы знайшлі толькі аднаго жыхара Баранавічаў з такімі звесткамі. Яму 41 год. Вядома, што мужчына доўгі час працаваў майстрам па дахах у Расіі. Таксама ў Лявончыка ёсць непаўналетняе дзіця.
У Лявончыка ўжо было 11 судзімасцяў, у тым ліку за забойства. Невядома, дзе ён яго здзейсніў — у спісе пастанаўленняў судоў мы не знайшлі ягонай справы.
Згодна з інфармацыяй з сайта Вярхоўнага суда, Лявончык з 10 па 11 жніўня 2020 удзельнічаў у пратэстах у Баранавічах, гучна выкрыкваў лозунгі, дэманстраваў беларускую нацыянальную сімволіку, чым «груба парушыў грамадскі парадак».
Яго не затрымлівалі за ўдзел у дэманстрацыях, але ў канцы 2021 асудзілі за новае забойства, здзейсненае з асаблівай жорсткасцю. Лявончык атрымаў за гэта 23 гады.
Цяпер сілавікі ідэнтыфікавалі яго як удзельніка пратэстаў. На новым працэсе Лявончыку прысудзілі яшчэ 3 гады зняволення. Але з улікам частковага паглынання тэрмінаў атрымалася 25 гадоў асобага рэжыму.
Адбываць пакаранне Лявончык будзе ў калоніі №13 у Глыбокім. Гэта адзіная калонія асобага рэжыму ў Беларусі. Там адбываюць пакаранне тры чалавекі, асуджаныя па чыста палітычных артыкулах — Мікалай Статкевіч, рэйкавы партызан Віталь Мельнік і Яраслаў Саковіч, якога асудзілі за перадачу звестак УСУ на 11 гадоў калоніі.
«Наша Нiва» — бастыён беларушчыны
ПАДТРЫМАЦЬЛукашэнка памілаваў экс-кіраўніка сваёй аховы Уцюрына6
Каментары
Удзельніку пратэстаў у Баранавічах далі 25 гадоў асаблівага рэжыма. За што?
https://d3kcf2pe5t7rrb.cloudfront.net/339813Загаловак -- топ, асабліва ў часы рэпрэсій і страху. З парася ў карася. Вышэйшы пілатаж, Наша Ніва, трымаеце планку (не)
У артыкуле чалавек здзейсніў забойства, а вы так падкрэслена адзначылі як пратэстоўца супраць рэжыму ў 2020.
Такія артыкулы пішуць лукашысты, але ніяк не незалежныя выданні. Не падыгрывайце лукашыстам у бруднай прапагандзе супраць пратэстаў 2020, калі рэжым заяўляў што на пратэсты нібыта выходзілі адны п'яніцы і наркаманы