Магілёўская грамадскасць забіла трывогу з нагоды таго, што пахаванне нямецкіх ваеннапалонных на тэрыторыі Кастрычніцкага раёна горада, упарадкаванае ў канцы 1990-х гадоў, цяпер стала свядома нішчыцца. У пачатку сакавіка 2024 года высветлілася, што тут былі знесеныя агароджа і капліца з чырвонай цэглы.
Грамадзяне, якіх трывожыць разбурэнне месца пахавання нямецкіх ваеннапалонных, што бралі ўдзел у аднаўленні раёна аўтамабільнага завода імя Кірава пасля Другой сусветнай вайны, склалі электронную петыцыю на адрас Магілёўскага гарвыканкама. Да яе прыкладаюцца фота мемарыяла па стану «да» і «пасля».
У сувязі з гэтым падпісанты петыцыі просяць даць ім абгрунтаваны і матываваны адказ па сутнасці з канкрэтнымі фармулёўкамі, які мае патлумачыць:
- на падставе якога рашэння або нарматыўна-прававога акта быў праведзены дэмантаж агароджы і капліцы на паказаным вышэй пахаванні нямецкіх ваеннапалонных?
- ці мае статус «вайсковага пахавання» азначанае вышэй пахаванне?
Каментары