Свет11

ЗША нанеслі яшчэ адзін удар па хусітах у Емене

Сцвярджаецца, што пашкоджаны быў радарны комплекс хусітаў.

UK Mod

Тэлекан «Аль-Масіра», які належыць хусітам, перадае, што ў сталіцы краіны Сане былі чутныя выбухі: атацы падверглася размешчаная недалёка авіябаза Аль-Дайламі, піша Расійская служба Радыё Свабода.

Удар быў нанесены на наступны дзень пасля скаардынаванай атакі па пазіцыях хусітаў з боку ЗША і Вялікабрытаніі пры падтрымцы шэрагу іншых краін. Па даных Пентагона, вайскоўцы паразілі 60 цэляў на 28 аб'ектах. Сярод іх радары, сістэмы СПА, склады, месцы запуску беспілотнікаў і ракет. Хусіты паведамілі, што ў выніку абстрэлу загінулі пяць вайскоўцаў, яшчэ шэсць былі параненыя.

Прэзідэнт ЗША Джо Байдэн папярэдзіў, што ўдары могуць працягнуцца, калі хусіты не спыняць атакаваць гандлёвыя і ваенныя судны ў эканамічна важным раёне. На пытанне журналістаў, ці можна назваць хусітаў тэрарыстычнай групоўкай, Байдэн адказаў: «Думаю, што гэта так».

У лютым 2021 года ЗША выключылі групоўку хусітаў са спісу тэрарыстаў — і цяпер могуць у яго вярнуць.

Іран, які падтрымлівае хусітаў, Катар, Расія, Саудаўская Аравія і Турцыя асудзілі ўдары ЗША і Вялікабрытаніі. Самі хусіты заявілі, што працягнуць атакаваць караблі, якія ідуць у Ізраіль або з яго. Раней хусіты аб'яўлялі, што ўключаюцца ў вайну супраць Ізраіля на баку групоўкі ХАМАС, прызнанай у ЗША і ЕС тэрарыстычнай.

***

Хусіты — гэта ваенізаваная групоўка шыітаў-зейдытаў, якая дзейнічае на тэрыторыі Емена і ўзнікла ў 1990-х гадах супраць рэлігійнага ўплыву Саудаўскай Аравіі. Групоўка названая па імені яе заснавальніка і былога кіраўніка Хусэйна аль-Хусі, забітага еменскай арміяй у верасні 2004 года. Тады самаабвешчаны імам Хусэйн аль-Хусі падняў антыўрадавы мяцеж, абвінаваціўшы ўладу Емена ў так званай «дыскрымінацыі зейдыцкага насельніцтва». Пасля яго смерці кіраўніцтва групоўкай перайшло да яго брата Абдэль-Маліка аль-Хусі.

Цяпер хусіты кантралююць большую частку Емена. Карта: Guardian

Хусіты вызнаюць зейдыцкі мазхаб — своеасаблівы напрамак шыіцкай галіны ісламу. Яны заяўляюць, што «абараняюць шыізм ад уплыву сунізму», які спавядаецца большасцю насельніцтва краіны. 

Каментары1

  • Purpose
    13.01.2024
    Глядзі Хрэнін і Вольфавіч што бывае калі лезці ў Сувалкскі карыдор.

Стрыжак расказаў, як яго вербавалі спецслужбы13

Стрыжак расказаў, як яго вербавалі спецслужбы

Усе навіны →
Усе навіны

«Па кодавым слове «Барысаўна» выкінула ў акно €760 тысяч». 16-гадовы кур'ер забраў у дваіх пенсіянераў 2,7 млн рублёў14

Што адбудзецца, калі Байдэн выйдзе з прэзідэнцкай гонкі?1

Украінскі фронт на Данбасе пасыпаўся ў некалькіх месцах — аналітык Bild10

Беларускі айцішнік пераехаў у Аўстралію і трапіў пад скарачэнні. І задаўся адвечным пытаннем «Што рабіць»?14

У Лідзе затрымалі ўладальніка кавярні «Тутака»

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

больш чытаных навін
больш лайканых навін

Стрыжак расказаў, як яго вербавалі спецслужбы13

Стрыжак расказаў, як яго вербавалі спецслужбы

Галоўнае
Усе навіны →