Пыталіся пра стаўленне да Украіны і Ізраіля. Сталі вядомыя акалічнасці затрымання жанчыны з Мазыра
Да Ірыны Сапрыгінай прыехалі людзі ў масках, правялі ператрус, а затым затрымалі за абразу Лукашэнкі. Жанчына даглядала старэнькую невідушчую маці.
Праваабаронцам «Вясны» сталі вядомыя акалічнасці затрымання 57-гадовай Ірыны Сапрыгінай. Гэта адбылося 30 кастрычніка 2023 года ў Мазыры, дзе яна жыве.
Да жанчыны прыехалі людзі ў масках, правялі ператрус, а затым затрымалі яе па крымінальнай справе ў межах артыкула 368 КК (абраза Лукашэнкі).
Спачатку Ірына знаходзілася ў ІЧУ на Акрэсціна некалькі дзён, затым яе перавялі ў Жодзіна, аднак цяпер месца знаходжання жанчыны невядомае: яе павінны былі перавесці ў СІЗА горада Гомеля, але там кажуць, што яе няма.
За час знаходжання на Акрэсціна Сапрыгіна двойчы перахварэла на вірусныя захворванні, аднак не атрымлівала належнага лячэння.
Вядома, што Ірына Сапрыгіна апошні год знаходзілася дома, бо даглядала сваю 83-гадовую маці — ліквідатарку ЧАЭС, якая мае інваліднасць другой групы.
Маці Сапрыгінай не можа заставацца адна праз стан здароўя (яна невідушчая), а іншых сваякоў у яе няма.
Тым не менш Ірыне не змянілі меры стрымання са змяшчэння пад варту на паруку. Вядома таксама, што да маці Сапрыгінай прыходзіў міліцыянт і пытаўся пра яе стаўленне да Украіны і Ізраіля.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары