Ветэрану КДБ не хапае грошай на лячэнне. Падключылі прапагандыстаў і разлічваюць на дапамогу грамадскасці
75-гадовы палкоўнік у адстаўцы Уладзімір Гаркавы хворы на анкалогію. Чэкіста хацелі адправіць на лячэнне ў Германію, але тая адмовілася прымаць яго. Спадзеў, што дапаможа Расія. Але і тамтэйшыя медыкі не робяць аперацыі задарма.
«Чароўнага выздараўлення не наступіла»
Уладзімір Гаркавы сутыкнуўся з тым, што для простых грамадзян Беларусі — рэальнасць. Яны не могуць разлічваць на дапамогу ўсемагутных структур, спароджаных правапераемнікам савецкага КГБ — КДБ Беларусі. Але, як высвятляецца, і чэкісцкая арганізацыя бывае бездапаможнай.
«Аднак выздараўлення пасля такіх знакаў увагі чароўна не наступіла», — канстатуе прапагандысцкае выданне.
«Далейшае жыццёва неабходнае лячэнне першапачаткова было рэкамендавана ў Германіі, аднак адтуль прыйшла адмова. Гэта зразумела — мы пад санкцыямі з усіх бакоў», — наракае чэкіст.
«Але лячэнне ў іх патрабуе каласальных фінансавых затрат. Ды цяпер такі варыянт недаступны ў сілу міжнароднай абстаноўкі», — жаліцца чэкіст-палкоўнік.
Разведчык-дыверсант з Беларусі
Уладзіміра Гаркавога вывучылі на разведчыка-дыверсанта ў спецшколе КДБ у Балашысе (прыгарад Масквы — «НН»). Ваяваў у Афганістане, у якім у 1979 годзе Савецкі Саюз учыніў узброеную інтэрвенцыю, зрынуўшы кіраўніцтва.
З палону яму ўдалося выратаваць земляка-беларуса, сяржанта Ігара Коласа, які быў схоплены маджахедамі падчас самаволкі. У палоне салдат прабыў 2 гады.
Гаркавы здолеў падарваць 17 камандзіраў паўстанчых атрадаў, калі яны сабраліся на нараду.
«Станавіцца бамжамі на старасці гадоў не варыянт»
Лукашэнкаўцы не пішуць, чаму расійскія калегі не дапамогуць Гаркавому.
«Прадаваць кватэру, у якой жывем мы з жонкай, і станавіцца бамжамі на старасці гадоў не варыянт. Застаецца толькі спадзявацца на дапамогу з боку», — заўважае пенсіянер.
Стала вядома, як КДБ вылічвае тых, хто данаціў у «Байсол»
«Украіна — гэта ваш Афганістан». Падчас вайны ва Украіне забілі першага расійскага генерала
Каментары