Vieteranu KDB nie chapaje hrošaj na lačeńnie. Padklučyli prapahandystaŭ i raźličvajuć na dapamohu hramadskaści
75-hadovy pałkoŭnik u adstaŭcy Uładzimir Harkavy chvory na ankałohiju. Čekista chacieli adpravić na lačeńnie ŭ Hiermaniju, ale taja admoviłasia prymać jaho. Spadzieŭ, što dapamoža Rasija. Ale i tamtejšyja miedyki nie robiać apieracyi zadarma.
«Čaroŭnaha vyzdaraŭleńnia nie nastupiła»
Uładzimir Harkavy sutyknuŭsia z tym, što dla prostych hramadzian Biełarusi — realnaść. Jany nie mohuć raźličvać na dapamohu ŭsiemahutnych struktur, sparodžanych pravapierajemnikam savieckaha KHB — KDB Biełarusi. Ale, jak vyśviatlajecca, i čekisckaja arhanizacyja byvaje biezdapamožnaj.
Harkavomu niadaŭna spoŭniłasia 75 hadoŭ. Vieteranskaja arhanizacyja supracoŭnikaŭ KDB nadaryła jamu padarunkaŭ. Na jubilej adreahavali niekalki bankaŭ. Adzin raźmiaściŭ infarmacyju ab prablemach piensijaniera, a druhi akazaŭ materyjalnuju dapamohu, pišuć «Minsk-Naviny».
«Adnak vyzdaraŭleńnia paśla takich znakaŭ uvahi čaroŭna nie nastupiła», — kanstatuje prapahandysckaje vydańnie.
Sam Harkavy kaža, što jamu dvojčy rabili apieracyju ŭ Baraŭlanach, ale prablema nie vyrašyłasia.
«Dalejšaje žyćciova nieabchodnaje lačeńnie pieršapačatkova było rekamiendavana ŭ Hiermanii, adnak adtul pryjšła admova. Heta zrazumieła — my pad sankcyjami z usich bakoŭ», — narakaje čekist.
Dalej jon raskazvaje, što cudy tvorać izrailskija daktary i ich technałohii.
«Ale lačeńnie ŭ ich patrabuje kałasalnych finansavych zatrat. Dy ciapier taki varyjant niedastupny ŭ siłu mižnarodnaj abstanoŭki», — žalicca čekist-pałkoŭnik.
Pavodle jaho, jość mahčymaść atrymać nieabchodny kurs pratonnaj terapii ŭ Rasii, ale i tam «usio ŭpirajecca ŭ hrošy».
Raźviedčyk-dyviersant ź Biełarusi
Uładzimira Harkavoha vyvučyli na raźviedčyka-dyviersanta ŭ śpiecškole KDB u Bałašysie (pryharad Maskvy — «NN»). Vajavaŭ u Afhanistanie, u jakim u 1979 hodzie Saviecki Sajuz učyniŭ uzbrojenuju interviencyju, zrynuŭšy kiraŭnictva.
Adnym z udzielnikaŭ apieracyi pa likvidacyi Amina byŭ Uładzimir Harkavy. Prapahandysty nazyvajuć jaho «afhanskim Šcirlicam».
Vajenny historyk Vital Čyrvinski ŭ svajoj knizie «Žyćcio i los raźviedčyka» pisaŭ, što zadačami biełarusa-dyviersanta byli nielehalnaja raźviedka, kontrraźviedka, uniasieńnie roznahałośsiaŭ u ruch paŭstancaŭ-madžachiedaŭ, razłažeńnie jaho znutry, pieraciahvańnie na bok novaha afhanskaha ŭrada najmienš radykalnych farmiravańniaŭ, a hałoŭnaje — vyratavańnie savieckich vajskoŭcaŭ z pałonu.
Z pałonu jamu ŭdałosia vyratavać ziemlaka-biełarusa, siaržanta Ihara Kołasa, jaki byŭ schopleny madžachiedami padčas samavołki. U pałonie sałdat prabyŭ 2 hady.
Pavodle prapahandystaŭ, Harkavoha ŭ 1980 hodzie ŭkaranili ŭ adzin z paŭstančych atradaŭ. U madžachiedaŭ jon prabyŭ 4 hady. Ź imi dzialiŭ chleb, vykonvaŭ relihijnyja abrady, charčavaŭsia tym, što było adabrana padčas napadaŭ na savieckija kałony. Užyvaŭ narkotyki.
Harkavy zdoleŭ padarvać 17 kamandziraŭ paŭstančych atradaŭ, kali jany sabralisia na naradu.
Vajna va Afhanistanie tryvała doŭhich dziesiać hadoŭ i skončyłasia vyvadam savieckich vojsk. Harkavy pracavaŭ u Moskvie, a zatym u Minsku.
«Stanavicca bamžami na staraści hadoŭ nie varyjant»
Łukašenkaŭcy nie pišuć, čamu rasijskija kalehi nie dapamohuć Harkavomu.
Staŭšy vajennym piensijanieram, jon pracavaŭ u bankaŭskaj halinie. Byŭ siarod zasnavalnikaŭ «Anierbanku» i ŭznačalvaŭ «Nord Jeŭrapiejski Bank».
Adnak, pryznajecca Harkavy, asablivych hrošaj nie nažyŭ.
«Pradavać kvateru, u jakoj žyviem my z žonkaj, i stanavicca bamžami na staraści hadoŭ nie varyjant. Zastajecca tolki spadziavacca na dapamohu z boku», — zaŭvažaje piensijanier.
Historyja Uładzimira Harkavoha pavučalnaja. Jaho ciapierašnija kalehi ŭciahnutyja ŭ teror dziaržavy suprać hramadstva. Jany inicyjujuć pieraśled niazhodnych z režymam Łukašenki. Razam z prapahandystami śpiecsłužbisty palivajuć brudam represavanych, nazyvajučy ich «ekstremistami». Ciapier ža łukašenkaŭcy prosiać skinucca hrašyma, kab dapamahčy vieteranu KDB.
«Naša Niva» — bastyjon biełaruščyny
PADTRYMAĆHladzicie taksama:
U KDB pačali vyklikać ludziej, jakija niadaŭna prachodzili polska-biełaruskuju miažu — krynicy
Stała viadoma, jak KDB vyličvaje tych, chto danaciŭ u «Bajsoł»
«Ukraina — heta vaš Afhanistan». Padčas vajny va Ukrainie zabili pieršaha rasijskaha hienierała
Hod tamu taliby ŭziali ŭładu ŭ Afhanistanie. Jak heta pieražyli žančyny?
Va Ukrainie zahinuła 24-hadovaja biełaruskaja dobraachvotnica Maryja Zajcava31
Kamientary