Беларусь апынулася ў спісе краін з самымі нізкімі цэнамі на яблыкі. Пра гэта паведамляе маніторынгавае агенцтва Energyprom, заўважыў Myfin.by.
![](http://d3kcf2pe5t7rrb.cloudfront.net/img/w840d4webp1/photos/z_2023_11/1920-red-apples-in-basket-3ph0x.jpg.webp)
Фота: Siraphol Siricharattakul / vecteezy.com
Эксперты агенцтва Energyprom (Казахстан) вывучылі базу даных Numbeo і высветлілі, што па стане на 13 лістапада бягучага года танней за ўсё кілаграм яблык каштаваў ва Украіне (0,69 даляра). Далей ідуць Паўночная Македонія (0,80 даляра) і Польшча (0,90 даляра).
![](http://d3kcf2pe5t7rrb.cloudfront.net/img/w732d4webp1/photos/z_2023_11/eiw1o65usgflcik0mk_kfo-mahrrokqv-2-r495o.png.webp)
У Беларусі сярэдняя цана кілаграма яблык выйшла на адным узроўні з Іранам — 0,95 даляра. Менш за адзін даляр за кіло яблыкі таксама каштавалі ў Пакістане (0,97 даляра) і Іраку (0,99 даляра).
А самыя дарагія яблыкі ў свеце — у Паўднёвай Карэі (6,71 даляра), Пуэрта-Рыка (5,96 даляра) і Злучаных Штатах Амерыкі (5,36 даляра).
Каментары
В калифорнии щас дешевле ,чем полтора $ за фунт не найти!