Грамадства33

Купрэйчык расказаў пра сына Кубракова і пляменніка Шуневіча, з якімі вучыўся разам

Прадстаўнік «Белпола» Мацвей Купрэйчык у інтэрв'ю «Ток» распавёў пра сваякоў міністраў, якія вучыліся з ім на курсе, згадаў Вольгу Чамаданаву і падзяліўся, чым скончылася яго папярэджанне былых калегаў аб праслухоўванні.

Мацвей Купрэйчык Матвей Купрейчик Matvey Kupreichik
Мацвей Купрэйчык падчас інтэрв'ю. Скрын відэа TOK_talk / YouTube

Пра сына міністра ўнутраных спраў Кубракова

Мацвей Курэйчык згадвае, што вучыўся разам з сынам Кубракова Вовам у Акадэміі МУС на адным патоку.

«У Акадэміі ён быў харошым хлопцам. Мы з ім некалькі разоў перасякаліся ў нарадах па сталовай, стаялі на так званай «дыджэйцы» (калі перадаюць талеркі з недаедкамі і табе трэба вельмі хутка скінуць іх у асобны кацёл і паставіць у пасудамыйку)», —

распавядае Купрэйчык.

Па яго інфармацыі, Уладзімір Кубракоў цяпер працуе начальнікам крымінальнай міліцыі ў Цэнтральным РУУС Мінска.

«Званне ў яго цяпер капітан ці маёр. І атрымліваецца, што для такой пасады гэта вельмі нізкае званне. І ўсім усё зразумела — сын міністра становіцца на высокую пасаду. А дзе досвед працы? Калі той самы начальнік крымінальнай міліцыі адначасова адказвае за крымінальны вышук, наркакантроль, аддзел па барацьбе з эканамічнымі злачынствамі.

Ён падпісвае пастановы на правядзенне аператыўна-вышуковых мерапрыемстваў. Гэта павінен быць каласальны вопыт, каб разбірацца, дзе якая справа, што за чым і чаму. І тут яго ставяць. Вось карупцыя ў сваім сапраўдным выглядзе».

Пра пляменніка Ігара Шуневіча

Акрамя сына Кубракова, на адным патоку з Купрэйчыкам вучыўся пляменнік былога міністра ўнутраных спраў Ігара Шуневіча Павел. «Таксама быў нармальны хлопец», — характарызуе яго Мацвей і згадвае цікавы момант.

«Калі Шуневіч прыязджаў у Акадэмію, то любіў прайсціся па распалажэннях курсантаў. Наш курсавы заўсёды ішоў на хітрасць. Ён у гэты дзень ставіў у нарад Пашу Шуневіча. Ён стаяў «на тумбачцы» перад дзвярыма. Заходзіць міністр, а яму дае справаздачу яго пляменнік. Зразумела, што міністр ужо нікуды далей не хадзіў і не правяраў».

Па словах Купрэйчыка, цяпер пляменнік Шуневіча зʼяўляецца супрацоўнікам КДБ і працуе ў беларускім пасольстве ў Егіпце.

Чаму Вольга Чамаданава пайшла на цывільную пасаду

Гаворачы па былую прэс-сакратарку МУС Вольгу Чамаданаву, якая ў 2021 годзе была прызначана начальніцай упраўлення па ідэалогіі і справах моладзі Мінскага гарвыканкама, Мацвей Купрэйчык заўважыў, што «гэта не павышэнне». На яго погляд, гэта перамяшчэнне кшталту «павысіць, каб пра яе ўсе забыліся» і сама Чамаданава «цудоўна пра гэта ведае».

Вольга Чамаданава Ольга Чемоданова Olga Chemodanova
Вольга Чамаданава. Скрын відэа АНТ

Па словах Купрэйчыка, былую прэс-сакратарку падчас яе службы ў міліцыі называлі Чамаданіхай. Яе каментары часта бывалі больш прыхарошаныя, чым трэба.

Як папярэдзіў калег пра праслушку, а тыя здалі яго

Калі «Кіберпартызаны» ўзламалі базы даных, да іх у рукі таксама патрапілі запісы размоў, якія праслухоўваліся.

«Я знайшоў там праслушку на траіх сваіх былых калегаў, — кажа Купрэйчык. — І на той момант, не разабраўшыся, я палічыў, што іх слухаюць з-за мяне. Бо гэта былі якраз тыя людзі, з якімі я дастаткова блізка камунікаваў. З некаторымі мог мець нейкія справы пасля працы. І я гэтым людзям адправіў інфармацыю: «Хлопцы, будзе асцярожныя. Вы «вісіце на гуку».

Двое з іх пайшлі і распавялі кіраўніцтву, што я ім такое напісаў. А яшчэ адзін увогуле ў КДБ пайшоў з перапіскай і паказаў: «Глядзіце, што мне тут прыслалі. Я, калі што, да гэтага дачынення не маю».

«Вось так яно ўсё павярнулася», — канстатуе былы сілавік.

Глядзіце цалкам:

Каментары3

  • даведка
    06.11.2023
    Чемоданова уже заработала себе полковничью пенсию по выслуге МВД, поэтому ушла на оклад в Мингорисполком.
  • даведка
    06.11.2023
    Матвей Купрейчик рассказал про блатного сына Кубракова и племянника Шуневича, но не поделился с народом секретом своего успеха, как после академии у него первым местом службы оказался столичный главк МВД.
  • Спецназ 3214
    07.11.2023
    Курейчик, мы тебя свернём в бараний рог скоро

Байдэн выходзіць з прэзідэнцкай гонкі33

Байдэн выходзіць з прэзідэнцкай гонкі

Усе навіны →
Усе навіны

З'явілася ФОТА з суда над Рыка Крыгерам

Замест СМС — выццё сірэн. МНС хоча памяняць сістэму апавяшчэння падчас непагадзі2

Олаф Шольц дагэтуль глядзіць лямпавы тэлевізар6

Славакія і Венгрыя спыняюць пампаваць нафту праз трубаправод «Дружба». Гэта важна і для Беларусі

УСУ нанеслі ўдар па вайсковым аэрадроме ў Растоўскай вобласці1

Немец, прысуджаны да расстрэлу, датычны да дыверсій? Вось што за гісторыя гэта магла быць9

У ЗША вызвалілі жанчыну, якая адсядзела 43 гады ні за што2

Пасля ўрагану беларусы падалі больш за 10 тысяч заявак у Белдзяржстрах1

Пад Мінскам бусел купаўся ў возеры разам з людзьмі ВІДЭА5

больш чытаных навін
больш лайканых навін

Байдэн выходзіць з прэзідэнцкай гонкі33

Байдэн выходзіць з прэзідэнцкай гонкі

Галоўнае
Усе навіны →