Свет1010

У Славакіі найбольш галасоў набралі папулісты экс-прэм'ера Фіца

На выбарах у Славакіі, паводле папярэдніх вынікаў пасля падліку амаль усіх галасоў, перамогу атрымала папулісцкая партыя экс-прэмʼера Роберта Фіца.

Роберт Фіца прыбывае ў штаб-кватэру сваёй партыі, 30 верасня 2023 г. Фота: Darko Bandic / AP Photo

Па выніках апрацоўкі больш як 99% пратаколаў, больш за ўсё галасоў атрымала Smer-SD («Кірунак — сацыял-дэмакратыя») былога прэмʼера Роберта Фіца — 23%.

На другім месцы апынулася ліберальная «Прагрэсіўная Славакія» Міхала Шымечкі з 18%. 

На трэцім месцы — сацыял-дэмакратычная партыя «Голас» экс-прэмʼера Петэра Пелегрыні з 15%.

Акрамя таго, у парламент праходзяць кансерватары, хрысціянскія дэмакраты, нацыяналісты і яшчэ адна ліберальная партыя. Палітычны ландшафт у Славаччыне даволі моцна фрагментаваны.

Прарасійскія неафашысты з «Народнай партыі «Наша Славаччына» Марціна Катлебы, якія раней былі рэпрэзентаваныя ў парламенце, на гэты раз не набралі нават 1% галасоў.

Роберт Фіца падчас перадвыбарчай кампаніі казаў, што ў выпадку ягонай перамогі Славакія больш не пашле Украіне «ніводнага патрона». Фіца таксама выступаў супраць уступлення Украіны ў НАТА. Аднак падчас свайго ранейшага кіравання Фіца заставаўся ў рэчышчы агульнаеўрапейскай палітыкі.

5 гадоў таму Роберт Фіца быў вымушаны сысці ў адстаўку з паста прэм'ера пасля забойства журналіста Яна Куцыяка і ягонай нявесты. Журналіст займаўся расследаваннямі карупцыі і магчымымі сувязямі славацкіх палітыкаў якраз з кіруючай партыі з італьянскай мафіяй.

Тады па ўсёй краіне прайшлі масавыя акцыі памяці, якія пазней перараслі ў масавыя пратэсты з патрабаваннем адстаўкі кабінета міністраў.

Новы ўрад могуць сфарміраваць партыя Фіца, сацыял-дэмакраты Пелегрыні і нацыяналісты. Калі гэта ім не ўдасца, то можа ўзнікнуць кааліцыя лібералаў, сацыял-дэмакратаў і кансерватараў.

Каментары10

  • РукаТвар
    01.10.2023
    Прарасійская партыя Smer-SD - гэта чытаць як нкусаўскі “смерш” ці рускі “смурод”? Проста дзіўлюся якая кароткая памяць у славакаў, яны забыліся не толькі пра забойствы сваіх журналістаў і карупцыйныя схемы, але і пра рускія танкі.
  • Юрген
    01.10.2023
    не розумію....як люди які живуть в ЄС,отримують величезні дотації з Брюсселю,можуть голосувати за проросійське говно? думають в Таможенном Союзе для них буде рай??про що ці словаки думають і чим?
  • Так
    01.10.2023
    Фіца былы член Камуністычнай партыі, цяпер сацыял-дэмакрат, прарасійскі, класічны набор.

Апакаліпсіс у Мазыры. Шторм накрыў Гомельшчыну1

Апакаліпсіс у Мазыры. Шторм накрыў Гомельшчыну

Усе навіны →
Усе навіны

У мінчука скралі рэчы, пакуль ён купаўся ў Цнянскім вадасховішчы

«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам15

«Бунт» з-за раёна, чаўнакі на паўзе і лёс старога парку. Чым жыве самы заходні горад Беларусі?

Аўстрыйскі палітолаг спрагназаваў, што пачатку вайны Расіі з НАТА можа папярэднічаць паўстанне палякаў у Беларусі. А чаму не бунт рэптылоідаў?10

«Мае аксэсуары прыносяць поспех, упэўненасць у сабе і грошы». Спявачка Галіна Шышкова стала дызайнеркай5

«Аказваецца, і на тым баку ёсць людзі». Маці Івана Падрэза ўсё ж не высяляюць6

Па Мсціслаўскім раёне пранёсся моцны ўраган

У Беларусі ўжо +37,5°С. У сервісе дастаўкі прадуктаў знікла папулярная мінеральная вада1

51 нобелеўскі лаўрэат заклікаў неадкладна спыніць вайну ва Украіне і канфлікт у сектары Газа13

больш чытаных навін
больш лайканых навін

Апакаліпсіс у Мазыры. Шторм накрыў Гомельшчыну1

Апакаліпсіс у Мазыры. Шторм накрыў Гомельшчыну

Галоўнае
Усе навіны →