абноўлена
Па штабе Чарнаморскага флоту ў Севастопалі нанесены ракетны ўдар
Прызначаны Расіяй губернатар Севастопаля Міхаіл Разважаеў паведаміў аб ракетным удары па штабе Чарнаморскага флоту ў Севастопалі.
Мінабароны Расіі заявіла, што ў выніку ракетнай атакі на штаб Чарнаморскага флоту загінуў адзін вайсковец.
У будынку Чарнаморскага флоту ў Севастопалі пачаўся пажар.
Расійскія вайскоўцы сцвярджаюць, што падчас адбіцця атакі былі збітыя пяць ракет. Колькі ракет было выпушчана па цэлях у Крыме, не паведамляецца.
Паводле непацверджанай інфармацыі, будынак быў паражоны ракетай Storm Shadow.
![](http://d3kcf2pe5t7rrb.cloudfront.net/img/w732d4webp1/photos/z_2023_09/2-t7ncw.jpg.webp)
Штаб Чарнаморскага флоту РФ пасля ракетнай атакі
Больш за год таму, 20 жніўня 2022 года, штаб Чарнаморскага флоту быў атакаваны беспілотнікам. Дрон упаў на дах будынка і загарэўся, пацярпелых пры атацы не было.
Каментары