Свет2525

Індыя мяняе назву на Бхарат? Што гэта значыць і навошта ўлада гэта робіць

Ужо 18 верасня пытанне афіцыйнага перайменавання можа разгледзець індыйскі парламент.

Раштрапаты Бхаван — рэзідэнцыя прэзідэнта Індыі ў Нью-Дэлі. Фота: Kriangikrai Thitimakorn / Getty Images

«Індыя, гэта значыць Бхарат, павінна быць саюзам штатаў», — абвяшчае першы артыкул Канстытуцыі. У прэамбуле гаворыцца: «Мы, народ Індыі…»

Назва Бхарат шырока выкарыстоўваецца для абазначэння Індыі на хіндзі. Калі справа даходзіць да афіцыйных зносін на англійскай мове, заўсёды ўжываецца аналаг Індыя, піша Бі-бі-сі.

Урад Нарэндры Модзі цяпер мяняе гэтую старажытную практыку. Ён разаслаў запрашэнні на вячэру ў суботу, 9 верасня, на саміце G20 ад імя «прэзідэнта Бхарата».

Да гэтага дадаўся прэс-рэліз адносна саміту АСЕАН — Індыя, у якім Нарэндру Модзі называюць «прэм'ер-міністрам Бхарата».

А ўжо 18 верасня пытанне афіцыйнага перайменавання можа разгледзець індыйскі парламент.

Што такое Бхарат?

Індуісцкая літаратура называе зямлю, размешчаную паміж Гімалаямі і акіянам, як «Бхаратварш».

Згодна з індуісцкай міфалогіяй, Бхарата быў царом Хастынапуры (цяпер гэта месца называецца Хастынапур і размешчана на ўсход ад Дэлі). Ён заваяваў усе землі і лічыўся праведным царом.

У самым раннім індуісцкім тэксце, Рыгведзе, Бхарата згадваецца як назва групы людзей.

Слова Бхарата на санскрыце таксама азначае «зямля, якая расце і забяспечвае». Гэта можа сімвалізаваць культуру.

Будучы прэм'ер-міністр Індыі Джавахарлал Нэру пісаў у 1927 годзе: «Індыя была Бхаратаю, свяшчэннай зямлёй індуістаў, і нядзіўна, што вялікія месцы паломніцтва індуістаў размешчаныя ў чатырох кутах Індыі».

Але Бхарат не ёсць гістарычным чалавекам.

Парыжскі акадэмік Катрын Клементэн-Аджа напісала ў артыкуле 2014 года: «Бхарата — гэта дыскурс пра прастору, але дыскурс, які не дазваляе візуальна адлюстраваць гэтую прастору. На аснове гэтага дыскурсу немагчыма намаляваць карту ў сучасным разуменні гэтага слова».

А як наконт назваў Індыя і Індастан?

Персы называлі раку Інд «Хінду» (Hindu), што ў латыні ператварылася ў «Індыя» (India). Назва «Індыя» таксама старажытная.

Мусульманскія Маголы, якія кіравалі краінай больш за два стагоддзі, з гонарам называлі сябе «падышахамі Індастана», гэта значыць кіраўнікамі, або імператарамі Індастана.

Назва «Індастан» таксама паходзіць з персідскай мовы. Такім чынам, і Індыя, і Індастан — гэта старажытныя назвы, якія папярэднічалі брытанскаму каланіяльнаму праўленню, якое пачалося з заваявання Бенгаліі ў 1757 годзе.

Урад кажа, што змена назвы на «Бхарат» дапаможа краіне пазбавіцца брытанскіх каланіяльных сувязяў.

«Рашэнне ўжываць Бхарат — сур'ёзнае супрацьдзеянне каланіяльнаму мысленню», — кажа міністр адукацыі Індыі Дхармендра Прадхан.

Але назву Індыя ужываюць ужо больш за два тысячагоддзі.

Магчыма, найстарэйшая згадка пра Індыю паходзіць ад грэцкага гісторыка Мегасфена, які нарадзіўся ў 350 годзе да н. э. Ён напісаў чатыры кнігі пад назвай «Індыка».

Англійскі драматург Уільям Шэкспір таксама ўжыў назву Індыя ў сваёй працы.

«Мая карона ў маім сэрцы, а не на маёй галаве, не ўпрыгожана дыяментамі і індыйскімі камянямі», — кажа кароль Генрых VI у п'есе «Генрых VI», якая, як мяркуюць, была напісаная ў 1591—1592 гады.

Брытанскія трэйдары прыбылі ў Індыю ў 1600 годзе, каб заснаваць Ост-Індскую кампанію. У першым выданні Бібліі караля Якава для пратэстантаў краіна таксама згадвалася як «Інды» (Indie). Усе гэтыя падзеі адбыліся да каланізацыі Індыі Вялікабрытаніяй.

Страхі і супраціў

Прэм'ер-міністр Індыі Нарэндра Модзі займае гэту пасаду з 2014 года і з'яўляецца выхадцам партыі «Бхарата Джаната», якая таксама знаходзіцца ва ўладзе ў большасці штатаў. Гэта правая партыя, цесна звязаная з парамілітарнай арганізацыяй Rashtriya Swayamsevak Sangh (RSS, ці «Саюз добраахвотных слуг Радзімы»), якая сцвярджае, што Індыя павінна быць «індуісцкай нацыяй».

Нарэндра Модзі далучыўся да RSS у падлеткавым узросце і падняўся па кар'ернай лесвіцы.

RSS быў тройчы забаронены ў Індыі пасля атрымання незалежнасці. Першы раз пасля забойства Махатмы Гандзі ў 1948 годзе, калі RSS абвінавацілі ў падрыхтоўцы яго забойства, але пазней абвінавачванні знялі.

Групы індуісцкіх нацыяналістаў гралі маргінальную ролю ў барацьбе за свабоду Індыі.

Урад Модзі склікаў спецыяльную сесію парламента, якая павінна адбыцца 18—22 верасня. Апазіцыйныя палітыкі і каментатары мяркуюць, што там будуць абмяркоўваць змену назвы краіны.

Гэта будзе першая сесія ў нядаўна пабудаваным будынку парламента, дзе ўжо ёсць карта Вялікага Бхарата. Гэтая карта ўключае тэрыторыі суседніх краін, у прыватнасці часткі Афганістана, увесь Пакістан, Непал, Бангладэш, Шры-Ланку і М'янму.

Суседзі Індыі выказалі афіцыйны пратэст.

Індыйская апазіцыя ўжо рыхтуецца да супрацьстаяння.

«Хоць няма ніякіх канстытуцыйных пярэчанняў супраць таго, каб называць Індыю «Бхарата», што з'яўляецца адной з дзвюх афіцыйных назваў краіны, я спадзяюся, што ўрад не будзе настолькі дурным, каб цалкам адмовіцца ад назвы «Індыя», якое з'яўляецца брэндам, які ствараўся на працягу стагоддзяў», — напісаў Шашы Тарур, заканадавец ад партыі Індыйскі нацыянальны кангрэс.

Каментары25

  • Валенты
    08.09.2023
    Калі назву краіны ўрэшце зменяць, будзе цікава паназіраць, ці захаваюць расейцы "традыцыйную" назву ў сваёй мове. ;)
  • Žvir
    08.09.2023
    Ja ž kazaŭ, dach jedzie ŭ liudziej pa ŭsim śviecie. Ci to karona tak adbiłasia na čałaviectvie, ci to Sonca zaliaciela ŭ zonu kaśmičnaha idyjatyzmu, razam z usimi svaimi plianetami... Niezdarma ž i miadzviedzi iduć u harady dy da liudzkich pasieliščaŭ. Papiaredzić chočuć, kab nie rabili durnoha... Kali tak, dyk heta nadoŭha, u maštabach usiaśvietu... Vielmi nadoŭha, bo pačynać adnaŭliacca daviadziecca iznoŭ z dakiembryjskaha pieryjadu... A što ž vy chacieli ?...
  • вот это Да
    08.09.2023
    Гэтая карта ўключае тэрыторыі суседніх краін, у прыватнасці часткі
    Афганістана, увесь Пакістан, Непал, Бангладэш, Шры-Ланку і М'янму.

    И тут "дичь" подняла голову.... Туалеты постройте общественные , дичь... Великий Китай, Великая Венгрия, великая Индия.... Кто дальше ? Великий Габон и великий Гондурас ? Опомнитесь.

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?3

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

Усе навіны →
Усе навіны

Хто такі Вадзім Красікаў, у якім так зацікаўленая Расія?1

У Калужскай вобласці пацярпеў крушэнне верталёт Мі-28, экіпаж загінуў2

Самае позняе рашэнне VAR у гісторыі. Гол Аргенціны на Алімпіядзе адмянілі толькі праз дзве гадзіны2

Хто той хлопец, які падарваў расійскага афіцэра ў Маскве і быў арыштаваны ў Турцыі6

Джо Байдэн: Я перадаю эстафету новаму пакаленню

«Раптам не прыйшоў на працу, а праз пару дзён яго затрымалі». Новыя падрабязнасці пра немца, прысуджанага да расстрэлу ў Беларусі1

У Добрушскім раёне асвяцілі хлеў з каровамі ФОТАФАКТ7

Беларус накарміў вужа рыбай і зняў працэс на ВІДЭА1

У Ляхавіцкім раёне мужчына хацеў спаліць суседскі хлеў, ды памыліўся будынкам1

больш чытаных навін
больш лайканых навін

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?3

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

Галоўнае
Усе навіны →