Затрымалі прадзюсара і заснавальніка крэатыўнага агенцтва Кірылу Троску
Яго вінавацяць ва ўдзеле ў пратэстах і напісанні каментароў у тэлеграм-чатах.
Кірылу Троску 37 гадоў, і ён мае вялікі паслужны спіс. Пасля школы паступіў у Беларускую дзяржаўную акадэмію мастацтваў на рэжысуру. Троху падпрацоўваў афіцыянтам. Скончыўшы акадэмію, Кірыла паехаў вучыцца на прадзюсара ў Маскву ва Усерасійскі дзяржаўны інстытут кінематаграфіі.
Падчас вучобы ў Мінску Троска зняўся ў пары серыялаў. Пасля на нейкі час асноўным кірункам ягонай дзейнасці стала правядзенне мерапрыемстваў — ён быў вядучым.
Таксама вядома, што ў розныя часы Кірыла Троска троху папрацаваў на тэлеканалах «Россія 24», «Москва 24» і «Культура», рабіў для іх навіны і тэлепраграмы, а таксама прадзюсаваў цыкл фільмаў для каналаў «Наука 2.0» і «Рен ТВ». А на 2018-ы ён працаваў у кампаніі «Расійскі падручнік», якая стварае поўны курс лічбавага навучання для школьнікаў у Расіі.
У 2021-м мужчына зарэгістраваў кампанію ААТ «Троска груп», якая стала юрыдычнай асобай ягонага агенцтва інтэлектуальнага прадакшну TROSKO. Cярод кірункаў дзейнасці агенцтва — стварэнне адукацыйных відэа, правядзенне вэбінараў і трэнінгаў, арганізацыя мерапрыемстваў, а таксама правядзенне тэндараў. Сярод кліентаў кампаніі пазначаныя Сбербанк, Samsung, Дэпартамент культуры Масквы і выдавецтва «Эксмо».
Таксама Троска стварае сайты. Ён прапаноўвае поўны цыкл вытворчасці.
У спісе «дасягненні» на сайце з рэзюмэ пазначана, што ён мае падзякі ад Апарата ўпаўнаважанага пры прэзідэнце РФ па абароне правоў прадпрымальнікаў, кампаніі «МАЗ Рус» (афіцыйны дыстрыб'ютар МАЗаў у Расію) і «за правядзенне Дня чыгуначніка». Усе падзякі — за правядзенне мерапрыемстваў.
Кірылу Троску вінавацяць у тым, што ён выходзіў на пратэсты і напісаў некалькі каментароў у тэлеграм-чатах. У допісе ГУБАЗіК кажа, што яны «пакараюць усіх ананімаў», але ніякім ананімам Кірыла не быў — ягоны акаўнт падпісаны ўласным імем.
Мяркуючы па фармулёўках у тэлеграм-канале ГУБАЗіКа, Кірылу можа пагражаць крымінальная справа.
«Наша Нiва» — бастыён беларушчыны
ПАДТРЫМАЦЬ«Мае сілы скончыліся»: Валярына Кустава расказала, чаму збірае на дапамогу сваёй сям'і18
Каментары
Если писал в 2020 , то какая статья? Зачем сажать , возьмите деньгами, штрафом?