Усяго патроху1414

«Гэта яе штодзённая праца». Айцішнік плаціць сваёй жонцы штомесячны заробак

«Я аднойчы згадаў у Twitter, што кожны месяц выдзяляю пэўную суму грошай сваёй жонцы Дашы ў якасці заробку. Як аказалася, некаторым людзям патрабуецца тлумачэнне таго, навошта я гэта раблю. Я вырашыў падзяліцца сваім вопытам, таму што ўсё больш людзей пераязджае разам з сям'ёй. Мой досвед можа быць вам карысны», — напісаў на Devby.io Міхаіл Ларчанка, распрацоўшчык, YouTube-блогер і IT-блогер.

Здымак ілюстрацыйны. Фота: kamil_macniak / vecteezy.com

Казаць, што Даша не працуе, няправільна

Мы ўсёй сям'ёй пераехалі ў Нідэрланды ў далёкім 2015 годзе па маім працоўным кантракце. Я працую, дзіця ходзіць у школу, а вось жонка Даша нідзе пакуль не працуе.

У Дашы няма прафесійнай адукацыі. Ёсць школа (11 класаў) і пачатак вучобы ў каледжы. Пасля з'явіўся я, каханне і эміграцыя. Да моманту пераезду ў нас было двухгадовае дзіця, жонка была ў дэкрэтным адпачынку.

Дашын ДНЖ дазваляе ёй працаваць. Мы жывём у Амстэрдаме ўжо восем гадоў, і яна дагэтуль нідзе не працуе. Але казаць, што яна не працуе зусім, няправільна. Бо праца — гэта не толькі з 9 да 17 па кантракце, але і ўсе абавязковыя справы, якія неабходна рабіць для жыцця.

Хтосьці павінен прыбіраць, гатаваць ежу, дапамагаць дзіцяці з вучобай — і многія іншыя хатнія справы, якія цяжка перакласці на іншага чалавека.

Вядома, усё гэта павінны рабіць усе сямейнікі. І я па меры магчымасці імкнуся таксама дапамагаць з усімі гэтымі хатнімі справамі. Але ў мяне ёсць асноўная праца, якая не можа «пацярпець» і якая дазваляе нам жыць у Нідэрландах. Таму вялікая частка цяжару сямейных клопатаў кладзецца на жонку.

Хатняя работніца ў Нідэрландах — дорага

Я не ведаю, колькі каштуюць паслугі хатняй работніцы або хатняга работніка, але нават калі выказаць здагадку, што такі чалавек будзе прасіць 10 еўра за гадзіну, то нават чатыры гадзіны на дзень (прыкладна такую колькасць часу мая жонка траціць на працу па доме ў дзень) ужо ператворацца ў нясціплыя 800 еўра за 20 рабочых дзён ці ў 1200 еўра за 30 дзён.

Гучыць нятанна, хоць насамрэч гэта зусім невялікія грошы, калі ўлічыць, што чалавеку трэба плаціць за пражыванне і ежу. Калі ж аналагічныя падлікі перавесці на Дашу, то будзе такая ж сума мінус кошт жылля і прадуктаў.

Вядома, яе ніхто не прымушае працаваць кожны дзень. Да таго ж я таксама раблю нейкія хатнія справы.

Таксама ў Нідэрландах да 12-ці гадоў нельга пакідаць дзіця адно ў кватэры. Напрыклад, калі яно спаліць дом, то страхавая не пакрые гэтых выдаткаў. Таму ў большасці сем'яў бацькі аддаюць дзяцей у прадоўжанку. Але тут гэта вельмі дорага, асабліва калі працуе толькі адзін з бацькоў.

Хачу плаціць жонцы больш

І вось менавіта такой логікай я кіраваўся, калі мы з ёй абмяркоўвалі грошы.

Такім чынам, тая сума, якую яна кожны месяц атрымлівае на сваю картку, — гэта своеасаблівая аплата яе штодзённай нялёгкай працы. Гэтыя грошы цалкам яе. Мы купляем прадукты, адзенне, плацім за кватэру з маіх грошай.

Хацелася б плаціць больш, але для гэтага я сам павінен зарабляць больш, да чаго, натуральна, імкнуся.

Хутка нашаму сыну споўніцца 12 гадоў і Даша зможа пачаць працаваць. Яна нядрэнна ведае нідэрландскую мову, але мы яшчэ думаем, чым яна зможа займацца. Хутчэй за ўсё, гэта будзе праца з дзецьмі.

Каментары14

  • Kotya
    12.08.2023
    Ужас как живут европейцы эти, пока ребенку не исполнится 12 лет все женщины сидят дома)) с детьми даша хочет работать, а опыт есть помимо своей корзины? 
  • дочка Максима Дизайнера
    12.08.2023
    Хачу плаціць жонцы больш

    дык зараз жа ёсць робаты-пыласосы і іншае
    навошта жонка?
  • В шоке от Миши
    12.08.2023
    Нет такого закона в Нидерландах про детей до 12 лет.
    Кроме знаний голландского языка Даше нужно знать ещё и то, что это не деньги Миши,а общие деньги Миши и Даши. Миша, вложись в образование жены. Хотят нет. Мише это не выгодно.

У Беларусі пачалася перадвыбарчая агітацыя за Лукашэнку ФОТАФАКТ

У Беларусі пачалася перадвыбарчая агітацыя за Лукашэнку ФОТАФАКТ

Усе навіны →
Усе навіны

Байдэн можа выйсці з выбарнай гонкі ўжо на гэтыя выхадныя11

Мінскі хірург выдаў зборнік эстэцкай прозы. Так па-беларуску раней не пісалі

У Драздах збіраюцца завесці плывучыя альтанкі3

У акупаваным Луганску знеслі помнікі ахвярам сталінскіх рэпрэсій і Галадамору — «па просьбах ветэранаў»6

У Быхаве для патрыятычных акцый прыдумалі пераносны «Вечны агонь» ФОТАФАКТ9

У падземным паркінгу ў Мінску патанулі 14 аўтамабіляў ВІДЭА9

Экс-палітзняволеная Ася Булыбенка апублікавала фота з кнігай Рэмарка — за гэтым хаваецца кранальная гісторыя

Залева ў Мінску, верагодна, была наймацнейшай за ўсю гісторыю назіранняў4

Расійскі салдат прыстрэліў параненага калегу. Прапаганда спрабавала спіхнуць гэта на ўкраінцаў20

больш чытаных навін
больш лайканых навін

У Беларусі пачалася перадвыбарчая агітацыя за Лукашэнку ФОТАФАКТ

У Беларусі пачалася перадвыбарчая агітацыя за Лукашэнку ФОТАФАКТ

Галоўнае
Усе навіны →