«Пад роспіс даводзяць, што гэта абавязкова». Дзяржаўных сцягоў на беларускіх шматпавярховіках стане больш
Па інфармацыі «Нашай Нівы», у Гродне неўзабаве дзяржаўныя сцягі могуць з'явіцца на кожным жылым шматпавярховіку.
Старшыняў жыллёва-будаўнічых кааператываў у Гродне гэтай восенню актыўна пачалі выклікаць у мясцовыя выканкамы.
Там, па інфармацыі крыніцы, ім пад роспіс даводзілі, што да канца кастрычніка на іх доме ў абавязковым парадку мусіць быць усталяваны дзяржаўны сцяг.
Набываць і ўсталёўваць сімволіку жыхары мусяць за ўласны кошт. Дзяржава свае грошы на гэта не вылучае.
Работы па «папулярызацыі і размяшчэнні дзяржаўнай сімволікі» актыўна вядуцца ў Беларусі ад самага пачатку 2021 года. Паступова дзяржаўная сімволіка пачала ўсё часцей з'яўляцца на дахах шматпавярховых жылых дамоў. Як правіла, на тых дамах, якія мелі вялікую колькасць паверхаў і былі дамінантай у мікрараёне або знаходзіліся блізу цэнтра і галоўных дарог.
Цяпер вынікае, што практыку хочуць распаўсюдзіць і на шэраговыя шматпавярховікі, якія знаходзяцца ў спальных раёнах горада — як гэта цяпер збіраюцца рабіць у Гродне.
-
Як за беларускімі апазіцыянерамі шпіёніла мадэль Онліфанс
-
«Старшыня проста білася галавой аб стол. Пасля нам раздалі канверты з грашыма». Настаўніца была ў выбарчай камісіі ў 2020-м — і вось што пабачыла
-
Інтэрпал выдаў «чырвонае апавяшчэнне» на вышук вінаватых у пасадцы самалёта Ryanair у 2021 годзе
Як за беларускімі апазіцыянерамі шпіёніла мадэль Онліфанс37
Каментары