Аднавіць Крымскі мост гэтак жа лёгка, як мінулым разам, не атрымаецца — расійскі віцэ-прэм'ер
Віцэ-прэм'ер урада Расіі Марат Хуснулін заявіў, што кошт аднаўлення Крымскага моста пасля ягонага нядаўняга падрыву складзе ад 1 да 1,3 мільярда расійскіх рублёў (каля 11—14 мільёнаў даляраў). Прытым гэта сума пазней можа вырасці.
На гэты момант, як падкрэсліў чыноўнік, грузавікі не змогуць выкарыстоўваць мост з меркаванняў бяспекі. Частку пралёта моста давядзецца дэмантаваць, бо яе нельга адрамантаваць. 18 ліпеня на Крымскім мосце быў адноўлены рух легкавых аўтамабіляў у абодва бакі, але рэверс робіцца толькі на пашкоджаным участку.
Па словах Хуснуліна, аднавіць двухбаковы рух машын па адным баку папярэдне плануецца да 15 верасня, па другім — да 1 лістапада.
Раней Сяргей Пахомаў, старшыня камітэта Дзярждумы па будаўніцтве і ЖКГ, назваў бягучую сітуацыю на Крымскім мосце менш крытычнай у параўнанні з папярэднімі выбухамі, якія адбыліся восенню 2022 года. Хуснулін з ім не пагадзіўся: хоць апоры моста нібыта і не пацярпелі, але адзін 600-тонны пралёт цалкам разбураны, таму аднавіць мост гэтак жа лёгка, як пасля першага ўдару ў кастрычніку мінулага года, будзе немагчыма.
«Тут не атрымліваецца гэтая тэхналогія, — цытуе яго ТАСС. — Таму будзем, хутчэй за ўсё, будаваць часовы 250-метровы мост, з якога будзем працаваць і велікагрузнымі кранамі будзем падымаць гэтыя пралёты».
Чытайце таксама:
З'явіліся спадарожнікавыя здымкі пашкоджанага Крымскага моста ФОТА
Выбух на Крымскім мосце. Загінулі два чалавекі. Рух транспарту прыпынены
Закаханыя ў Мінску хацелі сабраць з падпісчыкаў $10 тысяч на вяселле мары. Колькі ж у выніку ім заданацілі?10
Каментары