Свет99

Прэм'ерка Літвы: Адмова ад перавозкі беларускіх грузаў літоўскай чыгункай — самае простае рашэнне

Прэм’ер-міністарка Літвы Інгрыда Шыманіце лічыць, што кантрабанду з Беларусі можна спыніць, калі чыгунка адмовіцца перавозіць тавары з Беларусі, піша Delfi.lt.

Інгрыда Шыманіце са Святланай Ціханоўскай. Фота ілюстрацыйнае

Праблемы парушэння міжнародных санкцый і кантрабанды ў Літву з боку Беларусі можа вырашыць праз адмову «Літоўскай чыгункі» ад перавозкі тавараў. З такой заявай выступіла прэмʼер-міністрка Літвы Інгрыда Шыманіце.

«Хоць Літоўская чыгунка зʼяўляецца прадпрыемствам, якім кіруе дзяржава, але ўсё ж камерцыйным. І гэта пытанне выбару, з якімі партнёрамі Літоўскай чыгунцы мець справу, а з якімі — не.

Калі атрымліваеш замову на перавозку ўгнаенняў, няхай самі ўгнаенні не пад санкцыямі, але яны перавозяцца адтуль, дзе ёсць падсанкцыйная кампанія — вытворца ўгнаенняў, як у гэтым выпадку з «Гродна Азот»…

Так, няхай там ёсць намаляваная ў нейкай беларускай установе паперка, у якой сцвярджаецца, што гэтае ўгнаенне было вырабленае нейкім ЗАТ «Тры парасяты», але ёсць шмат добрых пытанняў, ці магло так быць.

Адмова ад перавозкі такога грузу, на маю думку, — самае простае рашэнне», — заявіла Інгрыда Шыманіце.

Палітык дадала, што камерцыйныя пагадненні, асабліва тыя, якія знаходзяцца ў шэрай зоне, нясуць для Літоўскай чыгункі рэпутацыйную рызыку. Цяпер кампанія мае меней супрацоўніцтва з Усходам і мусіць пераарыентаваць сваю дзейнасць на заходнія рынкі.

«Геаграфічна мы знаходзімся ў такім месцы, праз якое спрабуюць трапіць у ЕС, натуральна, што ў нас вялікая нагрузка. Але мне здаецца, што ёсць адносна простыя рашэнні, якія могуць знізіць нагрузку на ўстановы, таму што заробак тут сапраўды вельмі нізкі і гнацца за гэтым, я думаю, не варта», — адзначыла літоўская прэм'ерка.

Каментары9

  • Берегись
    02.03.2023
    Поздравляем Китай с четвертым стратегическим портретом,железным братом лукашенка 🤣😭😂👈теперь товары придется перепровлять в Европу через Казахстан
  • Эх раз да еще раз
    02.03.2023
    Как это поможет сместить режим? Хунта переориентирует все поставки через РФ и еще больше завяжет страну на российском влиянии. Сколько они будут обсуждать санкции? Эти наивные имитаторы бурной деятельности, лучше бы действительно помогли оппозиции и Полку Калиновского, которые борются за независимость и страну
  • Ничего не поняла
    02.03.2023
    А можно простыми словами, доходчиво и однозначно перевести слова литовского начальника?

Раней тэрміну выйшаў на волю старшыня АГП Мікалай Казлоў1

Раней тэрміну выйшаў на волю старшыня АГП Мікалай Казлоў

Усе навіны →
Усе навіны

Беларусь ці Польшча: хто важнейшы гандлёвы партнёр для Кітая?8

«Мая даўняя мара — жыць у Іспаніі — аказалася расчараваннем». Салігарчанка тры гады пажыла ў Алікантэ і вярнулася ў Беларусь54

Пудынг, піца і рол — небанальныя стравы з бульбы

У Дудутках праходзіць міжнародны фестываль «Наш Грунвальд» ШМАТ ФОТА11

Каштэлі, ранэты, пепінкі: усё пра старыя беларускія сады і сарты. І дзе іх купіць4

Некаторым журналістам з Беларусі забаранілі асвятляць Алімпіяду3

Якога надвор'я чакаць беларусам на наступным тыдні

На БТ запусцілі шоу «Добры вечар!» Госця першага выпуску — зорка расійскага шансона Віка Цыганова20

Стрыжак расказаў, як яго вербавалі спецслужбы25

больш чытаных навін
больш лайканых навін

Раней тэрміну выйшаў на волю старшыня АГП Мікалай Казлоў1

Раней тэрміну выйшаў на волю старшыня АГП Мікалай Казлоў

Галоўнае
Усе навіны →