Камітэт дзяржаўнага кантролю цалкам спыніў працу буйной сталічнай сеткі крам, дзе прадаваліся тавары па нізкіх цэнах. Назва сеткі пакуль не называецца, але гандлявала яна, як выглядае, імпартным адзеннем ці абуткам.
«Органамі фінансавых расследаванняў Камітэта дзяржкантролю спыненая незаконная дзейнасць па ўхіленні ад выплаты падаткаў уласніка і кіраўнікоў 5 камерцыйных структур, якім належала ў г. Мінску буйная сетка крам нізкага цэнавага сегменту (уключала ў сябе 11 гандлёвых аб'ектаў) па продажы тавараў лёгкай прамысловасці», — гаворыцца ў паведамленні Камітэта дзяржаўнага кантролю.
Паводле інфармацыі ведамства, кіраўніцтва гэтых крам, каб абысці падаткі, арганізавала схему, якая дазволіла хаваць значную частку выручкі: грошы, атрыманыя ад пакупнікоў, не прабіваліся праз касавыя апараты.
Акрамя таго, такі механізм нібыта ствараў «нядобрасумленную канкурэнцыю» беларускім вытворцам тавараў лёгкай прамысловасці, падкрэслілі ў камітэце.
Таксама ў крамах гэтай сеткі для легалізацыі тавараў нібыта выкарыстоўваліся фіктыўныя дакументы аб іх набыцці ў падкантрольных уласніку гандлёвых аб'ектаў, хоць на самай справе тавары закупляліся за наяўны разлік. Пры гэтым на большасць з іх не было абавязковых дакументаў аб якасці.
Акрамя таго, з ценявой выручкі работнікам гандлёвых аб'ектаў выплачвалася заработная плата «ў канвертах», якую нібыта атрымлівалі больш за 150 чалавек.
Цяпер дзейнасць сеткі цалкам прыпыненая, а па выяўленых фактах распачатыя крымінальныя справы.
Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні14
Каментары