У Гомелі звольнілі «за палітыку» некалькіх супрацоўнікаў дзяржаўнага радыё
На «Гомельскім гарадскім радыё» звольнілі некалькіх супрацоўнікаў — радыёвядучых абвінавацілі ў падтрымцы пратэстоўцаў у 2020 годзе. Напярэдадні іх імёны з'явіліся ў праўладных тэлеграм-каналах, піша Zerkalo.io.
У аўторак, 11 лістапада, у праўладным тэлеграм-канале з'явіліся пост, дзе нібыта адзін з падпісчыкаў паскардзіўся на радыё 107.4 FM у Гомелі, заснавальнік якога — мясцовы выканкам. У эфіры, па словах карыстальніка, «так распісваюць вартасці нейкага Ю.А. Дудзя, распавядаюць, які ён паспяховы, знакаміты і ўвесь з сябе класны», хоць той, на думку аўтара, «ўтоптваў у бруд нашу краіну». Абурыла яго і тое, што вядучы павіншаваў расійскага журналіста з днём нараджэння.
Пасля ў канале выклалі скрыншоты з сацсетак радыёвядучых Арцёма Забірана і Яраслава Бычкоўскага, сярод іх — кліп Касты «Выходи гулять», відэа Максіма Каца пра Ніну Багінскую, лайкі на пастах, дзе ёсць БЧБ-сімволіка.
Як стала вядома Zerkalo.io, Забіран і Бычкоўскі ўжо звольненыя. Яшчэ раніцай у сераду, 12 кастрычніка, іх прозвішчы былі на сайце «Гомельскага гарадскога радыё», але да сярэдзіны дня зніклі.
Сам Забіран выклаў пост у фэйсбуку з працоўнай кніжкай і подпісам: «Ну, што ж… гэта былі 3 класныя гады працы ў добрым калектыве. Я буду сумаваць».
Па словах крыніцы, знаёмай з сітуацыяй, пазбавіліся працоўнага месца і іншыя супрацоўнікі, а ў калектывах іншых гомельскіх дзяржСМІ пачаліся праверкі.
Што вядома пра беларуса Віктара Павелку, якога ў Польшчы падазраюць у арганізацыі нападаў на расійскіх апазіцыянераў1
Каментары