Вайна11

Што прадугледжвае мірны план будучага спецпрадстаўніка Трампа па Украіне

План будучага спецпрадстаўніка Дональда Трампа па ўрэгуляванні вайны Расіі і Украіны Кіта Келага можа ўключаць перадачу Украіне долі ад продажаў расійскіх энергарэсурсаў. Дакладная доля не называецца, але менавіта гэтая крыніца пазначаецца ў якасці інструмента для далейшага аднаўлення Украіны, піша The Moscow Times, спасылаючыся на публікацыю ў CNN.

Кейт Келаг. Фота: AP Photo/Mariam Zuhaib

Дэталі гэтага мірнага плана Келаг раней выклаў у сваім артыкуле для America First Policy Institute у красавіку гэтага года. На першым этапе ўрэгулявання мяркуецца замарозка лініі фронту, спыненне агню і ўвядзенне дэмілітарызаванай зоны. Пасля чаго бакі сядуць за стол перамоваў, а Расія атрымае абмежаванае змякчэнне санкцый. Поўнае зняцце магчыма толькі пасля падпісання мірнага пагаднення, якое задаволіць Украіну.

Украіну не будуць прасіць адмовіцца ад акупаваных тэрыторый, але спатрэбіцца яе згода на тое, што яна будзе дамагацца вяртання страчаных зямель «выключна дыпламатычным шляхам». Пры гэтым Келаг лічыць, што такі дыпламатычны прарыў, верагодна, адбудзецца не раней, чым Уладзімір Пуцін пакіне сваю пасаду.

Акрамя таго, Келаг прапануе Украіне на нявызначаны тэрмін адмовіцца ад уступлення ў НАТА ў абмен на «мірнае пагадненне з гарантыямі бяспекі». ЗША павінны забяспечыць Украіне магчымасць «весці перамовы з пазіцыі сілы» і адначасова данесці да Расіі інфармацыю пра наступствы невыканання ёю будучых умоў мірнай дамовы, гаворыцца ў дакуменце.

Так Вашынгтон нібыта зможа дамагчыся дасягнення дамоўленасці аб заканчэнні ваенных дзеянняў на ўмовах, якія адпавядаюць амерыканскім і ўкраінскім інтарэсам.

Каментары1

  • бабруйчанін
    29.11.2024
    У лютым 50 год Парыжскага пагаднення аб міре ў Паўночнам і Паўдзеннам В'етнаме і ЗША як удзельнік і Гарант.
    Нават Нобелеўскую Кісенджер і паўночна в'етнамскі дзеяч Тхо атрымалі.....
    Праз колькі месяцаў пасля падпісання атрымання Нобеля Сайгон у Хошымін переназвалі??))

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Усе навіны →
Усе навіны

Падлетку са Жлобіна далі хатнюю хімію за тое, што сарваў дзяржаўны сцяг2

Азербайджан спыніў у краіне дзейнасць «Рассупрацоўніцтва»9

Лукашэнка заявіў пра ўзмацненне паўнамоцтваў мясцовай улады ў дачыненні да прыватнага сектара9

У «Мінск-Свеце» сёння здарыўся патоп4

Стрыжак назваў, колькі зваротаў прыйшло ў BYSOL праз узлом «Беларускага Гаюна»2

На трасе Мінск — Брэст цягнік збіў мікрааўтобус

Ціханоўская: «Апошні раз я чула голас мужа чатыры гады таму». Сяргей Ціханоўскі знаходзіцца ў рэжыме інкамунікада 700 дзён13

Праз спешку ЦРУ зліло імёны сваіх маладых супрацоўнікаў, на якіх палююць кітайскія спецслужбы7

Беларуская палітычная эмігрантка ляцела ў Грузію на самалёце, які экстранна пасадзілі ў Іране9

больш чытаных навін
больш лайканых навін

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Куды могуць дэпартаваць 323 беларусаў з ЗША пасля ўказа Трампа? І хто гэтыя людзі?

Галоўнае
Усе навіны →

Заўвага:

 

 

 

 

Закрыць Паведаміць