Вынесены яшчэ адзін прысуд удзельніку жнівеньскіх падзей 2020 года ў Жлобіне
Суд Жлобінскага раёна вынес прысуд жыхару райцэнтра Сяргею Ганічаву, абвінаваціўшы яго паводле ч. 1 арт. 342 Крымінальнага кодэкса (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх), паведамляе «Вясна».
21-гадовага Сяргея Ганічава, былога студэнта Беларускай дзяржаўнай сельcкагападарчай акадэміі, затрымалі пры канцы мая 2022 года.
Да суда абвінавачаны ўтрымліваўся ў СІЗА №3 Гомеля.
Па матэрыялах абвінавачання, вечарам 9 жніўня 2020 года Ганічаў удзельнічаў у несанкцыянаваным масавым мерапрыемстве ў Жлобіне. Прыкладна ў 21:40 у складзе натоўпу, які шчыльна запоўніў тэрыторыю паміж будынкамі, выйшаў на праезную частку. Недзе да паловы на другую ночы пратэстоўцы перашкаджалі руху транспарту, пляскалі ў далоні, гучна крычалі, свісталі, выкрыквалі лозунгі, дэманстратыўна адмаўляліся ад выканання «законных патрабаванняў прадстаўнікоў улады». Гэтыя дзеянні прывялі да парушэння нармальнай працы транспарту, у тым ліку і грамадскага. Акрамя таго, на некалькі гадзін была вымушаная зачыніцца кругласутачная крама.
Суд прызнаў Сяргея Ганічава вінаватым і прыгаварыў яго да двух гадоў калоніі агульнага рэжыму.
-
Дзядуля з Віцебска запосціў фота са скрынкай ад тэлевізара і стаў зоркай тыктоку. А яго сябар ператварыўся ў мем
-
«Не ем пасля шостай і кожны дзень раблю «нажніцы». Сакрэты бадзёрасці і гісторыя жыцця 99-гадовых сясцёр-блізнятак з Ваўкавыска
-
Скончыла жыццё самагубствам Святлана Круцікава з Пінска, якую неаднаразова судзілі за «экстрэмізм»
Скончыла жыццё самагубствам Святлана Круцікава з Пінска, якую неаднаразова судзілі за «экстрэмізм»9
Каментары