Грамадства99

«Спачатку зайшла санслужба, пасля МНС, а потым — міліцыя». Затрыманні на Зыбіцкай пасля выканання песні «Акіяна Эльзы» — што вядома?

Спявачка Мэрыем Герасіменка выканала на вуліцы Зыбіцкай у Мінску песню гурта «Акіян Эльзы». Гэта абурыла прапагандыстаў (мерапрыемства назвалі «бчбшным шабашам»), пасля чаго і артыстка, і кіраўнік бара «Слоікі-бутэлькі» Андрэй Жук (бар лічыўся арганізатарам выступу) перасталі выходзіць на сувязь.

Па словах аднаго з супрацоўнікаў бара, да іх учора завіталі ўсе магчымыя службы:

«Спачатку зайшлі прадстаўнікі санітарна-эпідэміялагічнай службы, пасля МНС, а потым — супрацоўнікі Цэнтральнага РУУС. Сабралі ўсіх супрацоўнікаў на апытанне, цікавіліся канцэртам, у асноўным, ці разумелі мы, якога артыста запрашаем. Забралі нашага кіраўніка і яшчэ аднаго новага супрацоўніка. Наколькі мы ведаем, сёння іх будуць судзіць». 

Сам бар пакуль не працуе — знаходзіцца ў рэжыме чакання. Кіраўніком «Слоікаў-бутэлек» з’яўляецца Андрэй Жук.

У судзе Цэнтральнага раёна нам распавялі, што яго справа «яшчэ вывучаецца суддзёй», але сёння яго павінны асудзіць. Артыкул у канцылярыі ўдакладняць адмовіліся, але, па словах сяброў Андрэя, гэта можа быць 24.3 КоАП (непадпарадкаванне).

Што тычыцца Мэрыем, то, па нашай інфармацыі, яе адпусцілі да суда, які пройдзе ўжо ў панядзелак (дэталі абвінавачвання пакуль высветліць не ўдалося). Сама спявачка і яе калегі на званкі не адказваюць.

Варта адзначыць, што гэта не першы канцэрт спявачкі Мэрыем у бары: яна выступала на розных іншых мерапрыемствах у «Банках-бутэльках» і раней, але толькі цяпер прапагандысты накінуліся на ўстанову і артыстку праз тое, што яна спела песню «Обійми» на ўкраінскай мове і была апранутая ў белую майку з чырвоным сэрцам.

Мэрыем Герасіменка — мінская спявачка, салістка Meriem Band. Ёй 28 гадоў. Яна ўдзельніца шматлікіх шоу для спевакоў, у тым ліку расійскага «Голаса», шоу «Песні» на ТНТ, украінскага «Голос країни».

Чытайце таксама:

«Мінск нібыта стаў пустым». Як цяпер жывуць тусовачныя Зыбіцкая, Кастрычніцкая і Рэвалюцыйная

Каментары9

  • Мангол
    05.08.2022
    Так а что преступного в исполнении песни "Обними"?
  • Вар`яты
    05.08.2022
    Маем вар`яцтва на дзяржаўным узроўні. Мне не зразумела, пра што думаюць гэтыя дубаломы ? Мабыць спадзяюцца, што пуцін пераможа і выдасьць ярлык лукашэнку на далейшы працяг вар`яцтва і здзекаў над Беларусамі ?
     Прабачце, а калі атрымаецца наадварот, то, што будуць рабіць гэтыя дубаломы ?
  • Дрын
    05.08.2022
    Что вы там забыли в своих Минсках? Давно пора было валить в нормальные страны, а не терпильствовать изза песен. Меньше народу - больше кислороду. Пусть никого там не останется.

Маладой айцішніцы пагражае да дзесяці гадоў калоніі за ахвяраванні Украіне

Маладой айцішніцы пагражае да дзесяці гадоў калоніі за ахвяраванні Украіне

Усе навіны →
Усе навіны

Трамп расказаў, што цудам яго выратавала ад кулі3

Латвія з 16 ліпеня забараняе ўезд машын з беларускімі нумарамі 3

Лідзія Ярмошына пра свае страхі ў 2020: З парламента прабіралася чорнымі хадамі11

У часе буры моцна пацярпелі птушкі. Адзіны ў краіне прытулак для іх не дае рады — яму патрэбная дапамога

Украінскія амбіцыі мець F-16 разбіваюцца аб моўны бар'ер, узлётна-пасадачныя палосы і запчасткі — Bloomberg29

Церцель заявіў, што Украіна адвяла войскі ад беларускай мяжы яшчэ 3—4 ліпеня1

«Ау! Куды вы зніклі?» Як мінчанка перайграла кватэрных аферыстаў

Без электрычнасці застаецца 851 населены пункт Гомельскай вобласці. У Мазыры няма святла, вады, не працуюць прадпрыемствы

Яшчэ адна ахвяра непагадзі: у Магілёўскім раёне загінула 5-гадовая дзяўчынка

больш чытаных навін
больш лайканых навін

Маладой айцішніцы пагражае да дзесяці гадоў калоніі за ахвяраванні Украіне

Маладой айцішніцы пагражае да дзесяці гадоў калоніі за ахвяраванні Украіне

Галоўнае
Усе навіны →