Грамадства

Патрыярх Кірыл у звароце да беларускага народа гаварыў пра «прасторы Русі» і «ўскраінныя землі»

Падчас сённяшняга візіту ў Полацк кіраўнік Рускай праваслаўнай царквы правёў літургію, падчас якой звярнуўся да беларускага народа.

«Гэта не толькі свята гэтай зямлі, адной з самых першых, што прынялі хрысціянства на прасторах Русі, але гэта свята ўсяя Русі. Менавіта таму я сёння з вамі. Таму што сапраўды прыняцце хрысціянства тут, у гэтым месцы, паслужыла вельмі моцным штуршком да распаўсюджвання веры Хрыстовай ва ўсіх ускраінных землях.

І сёння праваслаўная царква з'яўляецца духоўным апірышчам і Расіі, і Беларусі, і Украіны — усіх нашых братэрскіх славянскіх краін», — сказаў патрыярх на ўрачыстай малітве ў Спаса-Еўфрасіннеўскім манастыры, перадае АНТ.

Візіт кіраўніка Рускай праваслаўнай царквы ў Беларусь прымеркаваны да 1030-годдзя прыняцця хрысціянства на беларускіх землях.

Учора падчас наведвання мінскага храма Мефодзія і Кірыла патрыярх заявіў:

«Крануты, што на беларускай зямлі, у цэнтры горада Мінска, створаны гэты храм і падворак, дзе можа спыняцца патрыярх. Не думаю, што я буду часта стамляць вас сваімі візітамі, але сам факт існавання гэтага падворка мае вялікае духоўнае і сімвалічнае значэнне. Таму што праз гэты храм, праз гэтае месца бачным чынам дэманструецца наша адзінства, адзінства Святой Русі.

Тое самае адзінства, дзякуючы якому сфармавалася псіхалогія рускага чалавека. Калі я кажу «рускі», то маю на ўвазе і беларусаў, украінцаў, усіх тых, хто выйшаў з Кіеўскай купелі хрышчэння.

Больш за тое, праз гэтае адзінства фармавалася сістэма каштоўнасцяў, якая спрыяла таму, што народ наш, гістарычна адзіны народ, апынуўся здольным пераадольваць велізарныя гістарычныя выпрабаванні», — перадае яго словы сайт БПЦ.

Каментары

Залева ў Мінску, верагодна, была наймацнейшай за ўсю гісторыю назіранняў3

Залева ў Мінску, верагодна, была наймацнейшай за ўсю гісторыю назіранняў

Усе навіны →
Усе навіны

У Байдэна дыягнаставалі каранавірус1

788 украінскіх вайскоўцаў зніклі без вестак у баях за сяло Крынкі Херсонскай вобласці5

Улады ЗША абвінавацілі неанацыста з Грузіі ў падрыхтоўцы масавага атручвання дзяцей у Нью-Ёрку5

Круты выказаў спачуванні родным загінулых падчас урагану. Але не Лукашэнка5

Высокаінтэнсіўныя фізічныя нагрузкі ў старасці паляпшаюць памяць

У Святланы Ціханоўскай мяняецца дарадца па прававых пытаннях24

Латушка заклікаў журналістаў і праваабаронцаў з Еўропы скарыстацца з бязвізу8

Работніцы суда пагражае да 12 гадоў за «заклікі да санкцый і абразу Лукашэнкі»4

Транспартныя сродкі з беларускімі нумарамі не змогуць заязджаць і ў Эстонію7

больш чытаных навін
больш лайканых навін

Залева ў Мінску, верагодна, была наймацнейшай за ўсю гісторыю назіранняў3

Залева ў Мінску, верагодна, была наймацнейшай за ўсю гісторыю назіранняў

Галоўнае
Усе навіны →