Вялікая колькасць курганоў на Тураўшчыне папросту знішчаная. Побач з урочышчам "Казаргаць" паміж Рыдчай і Хільчыцамі яшчэ ў сярэдзіне 2010-х мадэрнізавалі ферму, на якую чакалі прыезд дыктатара, і, каб навесці "парадачак" і "фсё была красіва", зааралі і зруйнавалі курганны могільнік зарубянецкай археалагічнай культуры. Дагэтуль кожную вясну пасля ўзворвання ці дыскавання ўтворанага на месці могільніка поля, на паверхні можна знайсці рэшткі крэмневых прыладаў працы нашых далёкіх продкаў. Пракуратура тады нібыта распачала нейкую справу, але ніхто не панёс аніякай адказнасці, бо сіюмінутная патрэба аказалася важнейшай. Злачынства чыноўнікаў папросту замялі.
А ў лясах нацпарка "Прыпяцкі" старэйшым і сярэднім Бамбізамі знішчаныя не толькі археалагічныя помнікі, але і помнікі прыроды і цэлыя ўнікальныя для кантынента лясныя масівы, такія, як адзіныя ў Еўропе поймавыя дыбровы.