Латушка праходзіць па крымінальнай справе аб стварэнні Каардынацыйнай рады летась у жніўні. «НН» атрымала каментар самога палітыка.
Генеральная пракуратура абвясціла, што ініцыюе абвяшчэнне былога міністра культуры і пасла Беларусі ў Францыі і Польшчы Паўла Латушку ў міжнародны вышук.
«Справа, якая заведзеная ў дачыненні да мяне, а таксама іншых сябраў Каардынацыйнай рады, з’яўляецца палітычна матываванай. Зразумела, што тыя дзеянні, якія здзяйсняе ў дачыненні да мяне Генпракуратура, як перадача справы ў Інтэрпол, таксама палітычна матываваныя.
Выглядае гэта вельмі дзіўна, калі ў дачыненні асоб, якія здзяйсняюць злачынствы, забіваюць мірных пратэстоўцаў, займаюцца гвалтам, не заводзяцца крымінальныя справы, не праводзіцца следчых дзеянняў. А тыя людзі, якія асуджаюць гвалт, трапляюць пад крымінальную адказнасць. Да чаго можа дайсці сітуацыя ў Беларусі? Можна пачынаць чытаць Крымінальны кодэкс перагорнутым, ён болей непатрэбны».
Ці не лічыць Латушка, што гэта можа быць звязана з вечаровым рашэннем па Чэмпіянаце свету па хакеі, які могуць забраць у Мінска?
«Зразумела, што НАУ рабіла захады для таго, каб растлумачыць старшыні Міжнароднай федэрацыі хакея нашу пазіцыю. Паказаць факты і той стан з масавым парушэннем правоў чалавека і спартсмена ў нашай краіне, але я б не звязваў гэтыя факты», — лічыць Латушка.
«Тэлефануйце дзецям, прасіце вярнуцца ў Беларусь». Беларусы на мяжы сутыкнуліся з новай праверкай26
Каментары