Дыетолаг: Вялікія дозы лімона і імбіра яшчэ нікога не вылечылі ад каранавіруса
Пра гэта паведаміла галоўны пазаштатны дыетолаг Міністэрства аховы здароўя Кацярына Пратасава падчас стрыму, адказваючы на пытанне, што моцна выраслі цэны на лімон і імбір.
«Сітуацыя з імбірам і лімонам — гэта нейкая спекуляцыя. Нашы продкі не ведалі імбіра і лімона, а вось чорную парэчку (у якой больш за ўсё вітаміна С) вырошчвалі і ўжывалі ў розным выглядзе. Сапраўды гэтак жа, як і цыбулю, квашаную капусту, часнык», — сказала яна.
Кацярына Пратасава раіць рацыянальна падыходзіць да харчавання. Есці тры-чатыры разы ў дзень, напоўніць халадзільнік добрымі прадуктамі, адмовіцца ад фаст-фуду. Але не пераядайце, сказала яна.
«Каранцін скончыцца, а бакі застануцца», — пажартавала яна.
Яна таксама параіла адмовіцца ад празмернага ўжывання цукру.
«Найбольш ім цікавы Полк Каліноўскага і Офіс Ціханоўскай». КДБ вярбуе актывістаў унутры Беларусі2
Каментары