Французская нафтавая кампанія Total і італьянская Eni замарозілі выплаты расійскім пастаўшчыкам нафты, у тым ліку «Раснафце» і «Сургутнафтагазу», з-за забруджвання нафты ў трубаправодзе «Дружба», піша Reuters.
Кампаніі павінны былі заплаціць да 15 мая. Як вынікае з паведамлення агенцтва, кампаніі гатовыя аднавіць выплаты пасля вызначэння велічыні шкоды і аднаўлення паставак чыстай нафты.
Пры гэтым расійскі бок лічыць, сцвярджае Reuters, што заходнія пакупнікі павінны заплаціць за пастаўлены прадукт і толькі затым фармальна заявіць пра прэтэнзіі да яго якасці.
«Хто захоча плаціць за такую нафту? Гэта і не нафта, строга кажучы. І ніхто ў Расіі не можа растлумачыць, хто і каму будзе выплачваць кампенсацыі», — заявіла адна з крыніц агенцтва.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна10
Каментары