Былы бровар каля Лошыцкага парку, які неаднаразова выстаўлялі на аўкцыён, у лютым паспрабуюць прадаць са зніжэннем кошту на 80%
![](http://d3kcf2pe5t7rrb.cloudfront.net/img/w732d4webp1/photos/z_2016_12/890726b4da14dfd9c58c2c39cae6df2f-77slm.jpg.webp)
20 лютага ў Мінску адбудзецца аўкцыён па продажы некалькіх старадаўніх будынкаў былога бровага, якія знаходзяцца побач з Лошыцкім сядзібна-паркавым комплексам. Таргі праводзяцца з абавязковай умовай: будучаму інвестару неабходна рэканструяваць некалькі пабудоў канца XIX стагоддзя пад гасцінічны комплекс катэгорыі 4 зоркі, паведамляе onliner.by.
Праект гасцінічнага комплексу на вуліцы Чыжэўскіх з'яўляўся ў СМІ яшчэ ў 2010 годзе. Тады планавалася злучыць новымі прыбудовамі старыя будынкі з захаваннем архітэктурных дэталяў.
![](http://d3kcf2pe5t7rrb.cloudfront.net/img/w732d4webp1/photos/z_2016_12/c0f9c39294ea6abc1b49a3d359b38974-ap8ow.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2016_12/b9401b8122f73a10d234beb3acd84201_1358419773-z3se2.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2016_12/aeb9bf5327d2cbd9098aa8ea9aa2aeb0-m0n8k.jpg.webp)
У комплексе было прадугледжана 150 нумароў, пакоі перамоў, SPA і фітнес-цэнтр з басейнам, салон прыгажосці, банкетная зала, піваварны цэх з піўным рэстаранам. Замоўцам аб'екта выступіла прадпрыемства «Бізнэс-цэнтр «Сталіца»», якому належыць гатэль «Вікторыя» на праспекце Пераможцаў. Будаўніцтва планавалася пачаць у 2011 годзе, аднак інвестар так і не быў знойдзены. Цяпер, мабыць, прадпрыемства вырашыла пазбавіцца ад цяжкай нерухомасці.
Пры наяўнасці ўдзельнікаў аўкцыёну таргі пачнуцца з 27 708 309 710 рублёў (3,2 млн даляраў). Нерухомая маёмасць ацэнена пры гэтым у 21,7 мільярда рублёў, а пачатковая цана права заключэння дамовы арэнды зямельнага надзела складае 6 млрд рублёў.
«У сувязі з тым, што будынкі па вул. Чыжэўскіх, 17, праезд Чыжэўскіх, 5 і праезд Чыжэўскіх, 6 з'яўляюцца помнікамі горадабудаўніцтва і архітэктуры і адносяцца да нерухомай і гісторыка-культурнай каштоўнасці, уся дзейнасць пераможцы аўкцыёну павінна праводзіцца ў адпаведнасці з патрабаваннямі Закона Рэспублікі Беларусь «Аб ахове гiсторыка-культурнай спадчыны Рэспублiкi Беларусь»», — паведамляецца ва ўмовах правядзення аўкцыёну на сайце Мінгарвыканкама.
Каментары